വഴിയാത്രക്കാരനായ യുവാവ് കാറിടിച്ച് മരിച്ചു

മുള്ളേരിയ:  (www.kasargodvartha.com 21.04.2014) വഴിയാത്രക്കാരനായ യുവാവ് കാറിടിച്ച് മരിച്ചു. മുള്ളേരിയ കുണ്ടാര്‍ ഉയിത്തടുക്കയിലെ പരേതനായ ഐത്തയുടെ മകന്‍ ബൈര എന്ന സുന്ദര (50) യാണ് മരിച്ചത്. ഞായറാഴ്ച വൈകിട്ട് ഏഴ് മണിയോടെകുണ്ടാര്‍ എ.യു.പി. സ്‌കൂളിനടുത്താണ് സംഭവം.

ബസില്‍ നിന്നിറങ്ങി റോഡരികിലൂടെ നടന്നുപോവുകയായിരുന്ന സുന്ദരയെ മുള്ളേരിയ ഭാഗത്തുനിന്നുംവന്ന കാര്‍ ഇടിച്ചുതെറിപ്പിക്കുകയായിരുന്നു. ഗുരുതരമായി പരിക്കേറ്റ സുന്ദരയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കാസര്‍കോട് ജനറല്‍ ആശുപത്രിയില്‍ പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു. കൂലിപ്പണിക്കാരനായിരുന്നു മരിച്ച സുന്ദര.

ഭാര്യ: ലളിത. മകള്‍: ഉഷ. മരുമകന്‍: ചന്ദ്രന്‍. സഹോദരങ്ങള്‍: അങ്കാറ, മോഹന, കൊറപ്പാളു, സുശീല.