മൊഗ്രാല്‍പുത്തൂരില്‍ അറവു മാലിന്യങ്ങള്‍ റോഡരികില്‍ തള്ളി

By Desk DeltaApr 18, 2014, 12:16 IST

കാസര്‍കോട്: (www.kasargodvartha.com 18.04.2014) മൊഗ്രാല്‍പുത്തൂരില്‍ അറവു മാലിന്യങ്ങള്‍ റോഡരികില്‍ തള്ളിയത് പരിസരവാസികളുടെ കടുത്ത പ്രതിഷേധത്തിന് കാരണമായി. മൊഗ്രാല്‍പുത്തൂര്‍ കടവത്താണ് അറവു മാലിന്യങ്ങള്‍ തള്ളിയത്. പോത്തിന്റെ കൊമ്പും മറ്റു അവശിഷ്ടങ്ങളുമാണ് ജനവാസ കേന്ദ്രത്തില്‍ തള്ളിയത്.

ഇതുകാരണം ഈ പ്രദേശത്ത് ഇപ്പോള്‍ ദുര്‍ഗന്ധ പൂരിതമാണ്. പലര്‍ക്കും ചര്‍ദ്ദിയും ഓക്കാനവും ശാസ്വതടസവും അനുഭവപ്പെടുന്നു. നാട്ടുകാര്‍ വിവരമറിയിച്ചിട്ടും അധികൃതര്‍ മാലിന്യംതള്ളുന്നതിനെതിരെ നടപടി സ്വീകരിക്കുന്നില്ലെന്നാണ് ജനങ്ങളുടെ പരാതി. പകര്‍ച്ചവ്യാധികളും പടന്നുപിടിക്കാനുള്ള സാധ്യതയുമുണ്ട്.