ആഗോളവല്‍ക്കരണ കാലത്തെ പൊതുനയവും ഭരണവും: സെമിനാര്‍ ബുധനാഴ്ച മുതല്‍

കാസര്‍കോട്: കേന്ദ്ര സര്‍വകലാശാല സാമ്പത്തിക ശാസ്ത്ര വിഭാഗത്തിന്റെ നേതൃത്വത്തില്‍ 'ആഗോളവല്‍ക്കരണ കാലത്തെ പൊതുനയവും ഭരണവും' വിഷയത്തിലുള്ള അന്തരാഷ്ട്ര സെമിനാര്‍ ബുധനാഴ്ച നീലേശ്വരം നളന്ദ റിസോര്‍ട്ടില്‍ ആരംഭിക്കും.

ബുധനാഴ്ച രാവിലെ പത്ത് മണിക്ക് ടാറ്റ ഇന്‍സ്റ്റിറ്റിയൂട്ട് ഓഫ് സോഷ്യല്‍ സയന്‍സസ് ഡയറക്ടര്‍ പ്രൊഫ. എസ് പരശുരാമന്‍ ഉദ്ഘാടനം ചെയ്യും. സെമിനാര്‍ 14ന് സമാപിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. വൈസ് ചാന്‍സലര്‍ ഡോ. ജാന്‍സി ജെയിംസ് അധ്യക്ഷയാകും. ഇന്ത്യയിലെ പ്രമുഖ സര്‍വകലാശാലയിലും വിദേശത്തും നിന്നായി 150 പ്രതിനിധികളെത്തുന്ന സെമിനാറില്‍ ആഗോളവല്‍ക്കരണ നയത്തിന്റെ ഭാഗമായി രാജ്യത്തുണ്ടായ സാമ്പത്തിക മാറ്റവും അതില്‍ ഭരണകൂടത്തിനുള്ള സ്ഥാനവും ചര്‍ച്ച ചെയ്യും. പൊതുജനങ്ങള്‍ക്കും പ്രവേശനം നല്‍കും.

വിവര സാങ്കേതിക വിദ്യയുടെയും ആശയവിനിമയ രംഗത്തെ പുത്തന്‍ സങ്കേതങ്ങളുടെയും വളര്‍ച്ച രാജ്യങ്ങള്‍ തമ്മിലുള്ള അതിര്‍വരമ്പുകള്‍ ഇല്ലാതാക്കുന്ന കാലത്ത് പരമാധികാരം നിലനിര്‍ത്താനായി രാഷ്ട്രങ്ങള്‍ രൂപീകരിക്കുന്ന പൊതുനയവും ഭരണ പ്രക്രിയയും ജനങ്ങളുടെ ജീവിതക്രമത്തെ എങ്ങനെ ബാധിക്കുന്നുവെന്നും അതില്‍ ഭരണകൂടങ്ങള്‍ക്കുണ്ടാകുന്ന പ്രതിസന്ധിയും ചര്‍ച്ചക്ക് വിധേയമാക്കും. വിവിധ സെഷനുകളിലായി 80 പ്രബന്ധം അവതരിപ്പിക്കും.
പ്രശസ്ത സാമ്പത്തിക ശാസ്ത്ര വിദഗ്ധരായ തപന്‍ കെ. സെന്‍(ദേശീയ പൊതു ധന-നയ ഇന്‍സ്റ്റിറ്റിയൂട്ട്), ഡോ. മൈക്കിള്‍ ഗുര്‍സ്റ്റീന്‍ (കാനഡ), പ്രൊഫ. ദിനേശ് ശര്‍മ (റൂര്‍ക്കി ഐഐടി), പ്രൊഫ. എം.എച്ച്. സൂര്യനാരായണ (ഐജിഐആര്‍ഡി), പ്രൊഫ. എം. കുഞ്ഞാമന്‍ (ടിസ്), പ്രൊഫ. ഡി.ഡി. നമ്പൂതിരി (ക്രസ്റ്റ്), പ്രൊഫ. ജോസഫ് താരമംഗലം (കാനഡ), ഡോ. അനുരാധ ബലറാം (സംസ്ഥാന ആസൂത്രണ ബോര്‍ഡ്), ഡോ. ഗുല്‍ബര്‍ട്ട് സെബാസ്റ്റിയന്‍ (സി.ഡി.എസ്) തുടങ്ങിയവര്‍ പ്രബന്ധം അവതരിപ്പിക്കും. വാര്‍ത്താസമ്മേളനത്തില്‍ വകുപ്പ്തലവന്‍ ഡോ. പി അബ്ദുല്‍ കരീം, ജനറല്‍കണ്‍വീനര്‍ ഡോ. കെ.സി. ബൈജു, കോ- ഓര്‍ഡിനേറ്റര്‍ കെ. ബാസിം, എസ്. ഷിബു എന്നിവര്‍ പങ്കെടുത്തു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read:
സൗദിയിൽ തോക്കുചൂണ്ടി കവർച്ച; മലയാളി യുവാവ് കുഴഞ്ഞുവീണു മരിച്ചു

Keywords: Kasaragod, Central University, Seminar, National-Seminar, Mobile Phone, Cheating, Complaint, Bank, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: