വാഹനങ്ങളില്‍ ചെറുതായി നമ്പര്‍ പ്രദര്‍ശിപ്പിച്ചാല്‍ പിടികൂടും

കാസര്‍കോട്: ജില്ലയില്‍ നിയമാനുസൃതമല്ലാത്ത വിധം രജിസ്‌ട്രേഷന്‍ നമ്പറുകള്‍ പ്രദര്‍ശിപ്പിച്ച് വാഹനം ഓടിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് മോട്ടോര്‍ വാഹന വകുപ്പ് അധികൃതര്‍ അറിയിച്ചു.

ചില വാഹനങ്ങളില്‍ മുന്‍വശം നമ്പര്‍ പ്ലേറ്റുകള്‍ വലിപ്പം കുറച്ചും നമ്പറുകള്‍ വളരെ ചെറുതായും പ്രദര്‍ശിപ്പിക്കുന്നത് അധികൃതരുടെ ശ്രദ്ധയില്‍ വന്നിട്ടുണ്ട്.  ഇത്തരം വാഹനങ്ങളെ പിടികൂടാന്‍ പരിശോധന കര്‍ശനമാക്കുമെന്ന് ആര്‍ ടി ഒ അറിയിച്ചു.

നമ്പര്‍ പ്ലേറ്റുകള്‍ നിര്‍മ്മിച്ച് നല്‍കുന്നവര്‍ക്കും കര്‍ശന നിര്‍ദ്ദേശങ്ങള്‍ നല്‍കും. വാഹന ഉടകള്‍ നിയമാനുസൃതമായ നമ്പര്‍ പ്ലേറ്റുകള്‍ ഘടിപ്പിച്ചിട്ടുണ്ടെന്ന് ഉറപ്പു വരുത്തേണ്ടതാണെന്ന് ആര്‍ ടി ഒ അറിയിച്ചു.