ഖത്തറില്‍ നിന്നും എത്തിച്ച ആഡംബരകാര്‍ ഹമ്മര്‍ പോലീസ് കസ്റ്റഡിയിലെടുത്തു

കാസര്‍കോട്: ഖത്തറില്‍ നിന്നും എത്തിച്ച ആഡംബരകാര്‍ ഹമ്മര്‍ കാസര്‍കോട് പോലീസ് കസ്റ്റഡിയിലെടുത്തു. മുള്ളേരിയ സ്വദേശിയുടെ ആഡംബര കാറാണ് കാസര്‍കോട് സിഐ ഡോ.ബാലകൃഷ്ണന്‍ കസ്റ്റഡിയിലെടുത്തത്.

വാഹനത്തിന്റെ രേഖകള്‍ എത്തിക്കണമെന്ന് നോട്ടീസ് നല്‍കിയ ശേഷം നിബന്ധനയോടെ കാര്‍ ഉടമസ്ഥന് വിട്ടുകൊടുത്തു. കാര്‍ രജിസ്റ്റര്‍ ചെയ്യുന്നതിന് ആര്‍ടിഒ ഓഫീസില്‍ രേഖകള്‍ നല്‍കിയിട്ടുണ്ടെന്നാണ് ഉടമസ്ഥന്‍ പോലീസിനെ അറിയിച്ചത്. ആറുമാസം ഉപയോഗിക്കുന്നതിനായി ഇത്തരം കാര്‍ ഇന്ത്യയില്‍ കൊണ്ടുവരാന്‍ നിയമമുണ്ട്.

ഇവര്‍ തിരിച്ചുപോകുമ്പോള്‍ കാറും തിരിച്ചുകൊണ്ടുപോകുമെന്ന വ്യവസ്ഥയോടെയാണ് അനുമതി നല്‍കുന്നത്. ഈ ആഡംബര കാറിന് രണ്ടുകിലോമീറ്ററില്‍ താഴെയാണ് മൈലേജ്. കാസര്‍കോട്ടെ ഒരു പെട്രോള്‍ പമ്പിന് സമീപത്തുവെച്ചാണ് ഈ കാര്‍ കസ്റ്റഡിയിലെടുത്തത്.