മാരകശേഷിയുള്ള സ്‌ഫോടക വസ്തുക്കളുമായി യുവാവ് അറസ്റ്റില്‍

ഉപ്പള: മാരകശേഷിയുള്ള സ്‌ഫോടക വസ്തുക്കളുമായി യുവാവിനെ പോലീസ് അറസ്റ്റ് ചെയ്തു. പൈവെളിഗയിലെ ഖാദറിന്റെ മകന്‍ ഹസൈനാറാണ് (18) അറസ്റ്റിലായത്. പൈവെളിഗയിലെ ജയരാമ റാവുവിന്റെ ഉടമസ്ഥതയിലുള്ള കരിങ്കല്‍ ക്വാറിയിലെ റൈറ്ററാണ് അറസ്റ്റിലായ ഹസൈനാര്‍.

പോലീസിന് രഹസ്യ വിവരം ലഭിച്ചതിന്റെ അടിസ്ഥാനത്തില്‍ സി.ഐ സിബി തോമസ്, എസ്.ഐ ബിജുലാല്‍ എന്നിവരുടെ നേതൃത്വത്തില്‍ നടത്തിയ റെയ്ഡിലാണ് സ്‌ഫോടക വസ്തുക്കള്‍ പിടികൂടിയത്.


രണ്ടു ചാക്കുകളില്‍ സൂക്ഷിച്ചിരുന്ന 60 കിലോ അമോണിയം നൈട്രേറ്റ്, 60 ഡിറ്റനേറ്ററുകള്‍, 28 ജലാറ്റിന്‍ സ്റ്റിക്, നാടന്‍ തിരി എന്നീ സ്‌ഫോടക വസ്തുക്കള്‍ പിടികൂടിയിട്ടുണ്ട്. ക്വാറിക്ക് സമീപത്തായി കെട്ടിയ ഓലഷെഡ്ഡിലാണ് സ്‌ഫോടക വസ്തുക്കള്‍ സൂക്ഷിച്ചിരുന്നത്. സംഭവത്തെ കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്.