മോഷ്ടിച്ച മോട്ടോര്‍ സൈക്കിളുമായി എഞ്ചിനീയറിംഗ് വിദ്യാര്‍ത്ഥികളടക്കം 4 പേര്‍ കസ്റ്റ്ഡിയില്‍

മഞ്ചേശ്വരം: മോഷ്ടിച്ച  മോട്ടോര്‍ സൈക്കിളുമായി രണ്ട് എഞ്ചിനീയറിംഗ് വിദ്യാര്‍ത്ഥികളടക്കം നാലു പേരെ കുമ്പള സി  ഐ സിബി തോമസ്  കസ്റ്റ്ഡിയിലെടുത്തു. പിടിയിലായ മറ്റു രണ്ടുപേര്‍ കോണ്‍ക്രീറ്റ് തൊഴിലാളികളാണ്.

മലപ്പുറത്തു നിന്നും ഒന്നും മംഗലാപുരത്തുനിന്നും മൂന്നും മോട്ടോര്‍ സൈക്കിളുകള്‍ തങ്ങള്‍ മോഷ്ടിച്ചതായി ഇവര്‍ പോലീസിന് മൊഴി നല്‍കിയിട്ടുണ്ട്. വിദ്യാര്‍ത്ഥികള്‍ മലപ്പുറം സ്വദേശികളാണ്.

തിങ്കളാഴ്ച രാത്രി 10.30 മണിയോടെ നാലുപേരും ഒരു മോട്ടോര്‍ സൈക്കിളില്‍ ഹൊസങ്കടിയില്‍ എത്തിയപ്പോഴാണ് പോലീസിന്റെ പിടിയിലായത്. ബൈക്കില്‍ പെട്രോള്‍ തീര്‍ന്നതിനാല്‍ റോഡരികില്‍ നിര്‍ത്തി ബൈക്കുകള്‍ക്ക് കൈകാട്ടി. പെട്രോള്‍ തീര്‍ന്നുപോയെന്നും സഹായിക്കണമെന്നും ബൈക്ക് യാത്രക്കാരോട് ആവശ്യപ്പെട്ടു. ഒരു ബൈക്ക് യാത്രക്കാരന്‍ പെട്രോള്‍ നല്‍കാന്‍ തയ്യാറായി.

എന്നാല്‍ ബൈക്കിലെ പെട്രോള്‍ ടാങ്കിന്റെ അടപ്പ് തുറക്കാന്‍ കഴിയാതെ ഇവര്‍ പരുങ്ങുകയായിരുന്നു. ഓട്ടത്തിനിടയില്‍ ബൈക്കിന്റെ താക്കോല്‍ കളഞ്ഞുപോയെന്നായിരുന്നു ഇവര്‍ പറഞ്ഞിരുന്നത്.

 ഇതില്‍ സംശയം തോന്നിയ ബൈക്ക് യാത്രക്കാരന്‍ വിവരം പോലീസിനെ
അറിയിക്കുകയായിരുന്നു. ചോദ്യം ചെയ്യലിലാണ് കവര്‍ച്ചക്കാരാണെന്ന് വ്യക്തമായത്. ഇവര്‍ ഹൊസങ്കടിയിലേക്ക് കവര്‍ച്ചയ്ക്കായി എത്തിയതാണെന്ന് സംശയിക്കുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
രാധയുടെ കൊല: പ്രേരണയായത് ദൃശ്യം സിനിമയെന്ന് പ്രതികള്‍; നിലമ്പൂരില്‍ ബുധനാഴ്ച ഹര്‍ത്താല്‍

Keywords:   Engineering students arrested for robbery,Theft, Custody, Malappuram, Police, Hosangadi, Kerala,Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.