ചാരിത്ര്യത്തില്‍ സംശയിച്ച് ഭാര്യയെ കൊന്ന കേസില്‍ ഭര്‍ത്താവ് കുറ്റക്കാരന്‍

കാസര്‍കോട്: ചാരിത്ര്യത്തില്‍ സംശയിച്ച് ഭാര്യയെ കൊന്ന കേസില്‍ ഭര്‍ത്താവിനെ കോടതി കുറ്റക്കാരനെന്ന് കണ്ടെത്തി. പുല്ലൂര്‍ പടാങ്കോട്ടെ കൃഷ്ണന്‍ എന്ന പക്രു കൃഷ്ണനെ(45)യാണ് കാസര്‍കോട് അഡീഷണല്‍ ജില്ലാ സെഷന്‍സ് കോടതി (രണ്ട്) ജഡ്ജ് സി.ബാലന്‍ കുറ്റക്കാരനെന്ന് കണ്ടെത്തിയത്. പ്രതിക്കുള്ള ശിക്ഷ ബുധനാഴ്ച പ്രഖ്യാപിക്കും.

ഇന്ദിര

2012 മാര്‍ച്ച് ഏഴിനാണ് കൃഷ്ണന്‍ ഭാര്യ മടിക്കൈ കാരാക്കോട്ട് സ്വദേശിനി ഇന്ദിരയെ(37) പുല്ലൂര്‍ കൊടവലം പടാങ്കോട്ടെ വീടിനുസമീപത്തെ വിജനമായ കശുമാവിന്‍ തോട്ടത്തില്‍ വെച്ച് വെട്ടിക്കൊലപ്പെടുത്തിയത്.  വിറക് ശേഖരിക്കാനെന്നുപറഞ്ഞ് വിളിച്ചുകൊണ്ടുപോയ ശേഷമായിരുന്നു കൊലപാതകം.

കൃഷ്ണന്‍

ഇളയമകള്‍ക്ക് തന്റെ ഛായ ഇല്ലെന്ന തോന്നലാണ് പ്രതിയെ ഈ ദാരുണമായ കൊലപാതകത്തിന് പ്രേരിപ്പിച്ചത്. ദാമ്പത്യ ജീവിതത്തില്‍ സംശയം കാരണം കൃഷ്ണനും ഇന്ദിരയും വര്‍ഷങ്ങളായി പിണങ്ങികഴിയുകയായിരുന്നു. ഇതിനിടെ കൃഷ്ണന്റെ പിതാവ് കുഞ്ഞിക്കണ്ണന്‍ നായര്‍ മരിച്ചതിനെ തുടര്‍ന്ന് ഇന്ദിരയെ കൃഷ്ണന്‍ സ്വന്തം വീട്ടിലേക്ക് കൂട്ടിക്കൊണ്ടുവരികയായും പിന്നീട് ഇരുവരും  വീണ്ടും ഒരുമിച്ച് താമസിക്കുകയായിരുന്നു. പിതാവ് മരിച്ച് 41-ാം ദിവസത്തെ മരണാനന്തര ചടങ്ങുകള്‍ നടന്ന ശേഷമാണ് കൃഷ്ണന്‍ കൊല ആസൂത്രണം ചെയ്തത്.

ഹൊസ്ദുര്‍ഗ് സി.ഐ.ആയിരുന്ന കെ.വി വേണുഗോപാലായിരുന്നു കേസന്വേഷണം നടത്തി പ്രതിയെ അറസ്റ്റുചെയ്തത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര്‍ സുധീര്‍ മാടക്കല്‍ ഹാജരായി.
അ­മ്മ­യു­ടെ ദാരു­ണ മ­ര­ണ­ത്തി­ന്റെ ഞെ­ട്ടല്‍ മാ­റാ­തെ കൃ­ജി­ത്ത് പ്ല­സ്­ടു പ­രീ­ക്ഷ എ­ഴുതി