ഗുണ്ടാസംഘത്തിന്റെ അക്രമം: പൈവളിഗെയില്‍ വീടുകളും വാഹനങ്ങളും തകര്‍ത്തു

മഞ്ചേശ്വരം: കൊലക്കേസ് പ്രതികളെ സഹായിച്ചുവെന്നാരോപിച്ച് കാറുകളിലെത്തിയ 11 അംഗ സംഘം പൈവളിഗെയില്‍ മൂന്ന് വീടുകളും കാറും ബൈക്കും തകര്‍ത്തു. ശനിയാഴ്ച വൈകിട്ടാണ് സംഭവം.

കായര്‍ക്കട്ടയിലെ കെ.എച്ച്. അബ്ദുല്‍ ഖാദറിന്റെ വീടും മുറ്റത്ത് നിര്‍ത്തിയിരുന്ന റിട്‌സ് കാറും അക്രമികള്‍ തകര്‍ത്തു. യൂത്ത് ലീഗ് പ്രവര്‍ത്തകന്‍ കളായിയിലെ അബ്ദുല്‍ അസീസിന്റെ വീടും ഇയാളുടെ ബൈക്കും തകര്‍ത്തു. അസീസിന്റെ ഭാര്യാ പിതാവ് എം.എസ്.മുഹമ്മദിന്റെ വീട്ടില്‍ അതിക്രമിച്ചുകയറിയ സംഘം ടിവിയും ഫര്‍ണീച്ചറുകളും ഇലക്ട്രോണിക്‌സ് ഉപകരണങ്ങളും തകര്‍ത്തു. വീടിന്റെ ഗ്ലാസുകള്‍ അടിച്ചും കല്ലെറിഞ്ഞും തകര്‍ക്കുകയായിരുന്നു.

വീട്ടുകാരുടെ നിലവിളി കേട്ട് ആളുകള്‍ ഓടിക്കൂടിയപ്പോള്‍ അക്രമികള്‍ സ്ഥലം വിടുകയായിരുന്നു. ഈയിടെ കൊല്ലപ്പെട്ട ബാളിഗെ അസീസിന്റെ കൊലയാളികള്‍ക്ക് സഹായം നല്‍കിയെന്നാരോപിച്ചാണ് അക്രമമെന്ന് വീട്ടുകാര്‍ പരാതിപ്പെട്ടു.


പ്രതികള്‍ക്കുവേണ്ടി മഞ്ചേശ്വരം പോലീസ് തിരച്ചില്‍ നടത്തിവരികയാണ്. അതേസമയം ബാളിഗെ അസീസ് കൊലക്കേസില്‍ മൂന്ന് പ്രതികള്‍ പോലീസ് വലയിലാണ്. മറ്റുചില പ്രതികള്‍ കര്‍ണാടകയിലേക്ക് കടന്നതായാണ് സൂചന. കുമ്പള സിഐ സിബി തോമസാണ് കേസ് അന്വേഷിക്കുന്നത്.


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read: 
മുസാഫര്‍നഗര്‍ കലാപബാധിതര്‍ ഭിക്ഷാടനം തൊഴിലാക്കിയവര്‍: അതീഖ് അഹമ്മദ്

Keywords:  Attack in paivalike; houses and vehicles collapsed,  kasaragod, Kerala, Manjeshwaram, Police, arrest, House, paivalika, Attack, Stone, car-collapse, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.