കാസര്‍കോട്ടെ പ്രമുഖനെ കൊല്ലാന്‍ പദ്ധതിയിട്ട അധോലോക സംഘാംഗങ്ങള്‍ അറസ്റ്റില്‍

കാസര്‍കോട്: കാസര്‍കോട്ടേയും തമിഴ്‌നാട്ടിലേയും രണ്ട് പ്രമുഖരെ വധിക്കാനും സ്വര്‍ണവും പണവും കൊള്ളയടിക്കാനും പദ്ധതി തയ്യാറാക്കിയ നാല് അധോലോക സംഘാംഗങ്ങളെ കര്‍ണാടക പോലീസ് അറസ്റ്റ് ചെയ്തു.

മംഗലാപുരത്തെ അധോലോക രാജാവ് ബന്നാജെ രാജയുടെ സംഘത്തിലെ അംഗങ്ങളായ കാര്‍ക്കള ഇദുവിലെ ലക്ഷമണ്‍ ബജന്ത്രി എന്ന ഗണേഷ് എന്ന മഞ്ജുനാഥ(29), ബാംഗളൂരു എം.എസ് രാമയ്യ നഗറിലെ അമ്പാജി ബഡ്ഡ ഗാര്‍(35), ചെന്നൈ സ്വദേശിയും കാസര്‍കോട് ആലംപാടിയിലെ ഭാര്യാ വീട്ടില്‍ താമസക്കാരനുമായ റബ്ദിന്‍ സലീം(38), പാലക്കാട് പറളിയിലെ കെ.എം.ഈസ്മഈല്‍ എന്ന ഈസ്മു(35) എന്നിവരെയാണ് കാര്‍ക്കള പോലീസ് അറസ്റ്റ് ചെയ്തത്.

ഡിസംബര്‍ 21 ന് അങ്കോള സ്വദേശിയും ദ്വാരക കോ-ഓപ്പറേറ്റീവ് ബാങ്ക്
ചെയര്‍മാനും ഖനി വ്യവസായിയും ബി.ജെ.പി നേതാവുമായ ആര്‍.എന്‍.നായക്ക് വെടിയേറ്റ് മരിക്കാനിടയായ സംഭവത്തിലാണ് അറസ്റ്റ്. വര്‍ഷങ്ങള്‍ക്കു മുമ്പ് പെരഡാല സര്‍വീസ് സഹകരണ ബാങ്ക് വാച്ച്മാന്‍ ഡെന്നിസ് ക്രാസ്റ്റയെ  കൊലപ്പെടുത്തി ബാങ്ക് കൊള്ളയടിക്കാന്‍ ശ്രമിച്ച കേസില്‍ പ്രതിയാണ് റബ്ദിന്‍ സലീം.

 പ്രതികളെ കൂടുതല്‍ ചോദ്യം ചെയ്തുവരികയാണ്. ഇവര്‍ മറ്റു ചില കേസുകളില്‍ കൂടി പ്രതികളാണെന്നാണ് സൂചന. സംഘം കൊലപ്പെടുത്താന്‍ ഉദ്ദേശിച്ച  പ്രമുഖരുടെ പേരുവിവരങ്ങള്‍ പോലീസ് വെളിപ്പെടുത്തിയിട്ടില്ല.
മദ്യപിച്ച് നഗ്നരായി ബീച്ചില്‍ നീന്തിയ റഷ്യന്‍ സൈനികര്‍ക്കെതിരെ നാട്ടുകാരുടെ പ്രതിഷേധം