മാധ്യമങ്ങളെ കോര്‍പ്പറേറ്റുകളില്‍ നിന്നും മോചിപ്പിക്കണം: എന്‍.പി ചേക്കുട്ടി

കാസര്‍കോട്: മാധ്യമങ്ങളെ കോര്‍പ്പറേറ്റുകളില്‍ നിന്നും മോചിപ്പിക്കണെമെന്നും ഇതിനായി മാധ്യമപ്രവര്‍ത്തകരുടേയും പൊതുസമൂഹത്തിന്റേയും ഭാഗത്തുനിന്നും ഇടപെടലുകള്‍ ഉണ്ടാകണമെന്നും പ്രമുഖ മാധ്യമപ്രവര്‍ത്തകന്‍ എന്‍.പി ചേക്കുട്ടി അഭിപ്രായപ്പെട്ടു. പൈതൃകത്തിന്റെ പതിനഞ്ചാം നൂറ്റാണ്ട് എന്ന പ്രമേയവുമായി 2014 ഫെബ്രുവരി 14,15,16 തീയ്യതികളില്‍ കാസര്‍കോട് ചെര്‍ക്കള വാദിതൈ്വബയില്‍ വെച്ച് നടക്കുന്ന എസ്.വൈ.എസ്.60-ാം വാര്‍ഷിക സമ്മേളനത്തിന്റെ പ്രചരണത്തിന്റെ ഭാഗമായി കാസര്‍കോട് സിറ്റിടവറില്‍ നടന്ന മാധ്യമസെമിനാറില്‍ വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം.

മൂലധന ശക്തികള്‍വാര്‍ത്താ മാധ്യമങ്ങളെ അവരുടെ താല്‍പ്പര്യത്തിനനുസരിച്ച് വാര്‍ത്തകള്‍ വളച്ചൊടിക്കാന്‍ ശ്രമിക്കുകയാണ്. ദേശീയ തലത്തിലെ മുഖ്യധാരാ മാധ്യമങ്ങളുടെ ഷെയറുകളെല്ലാം കോര്‍പ്പറേറ്റുകള്‍ കൈയ്യടക്കിക്കൊണ്ടിരിക്കുകയാണ്. ഇവര്‍ മാധ്യമങ്ങളെ ബിസിനസിനുള്ള ആയുധമാക്കുകയാണ് ചെയ്യുന്നത്. റാഡിയാ ടേപ്പ് പുറത്തുവന്നപ്പോള്‍ ഇത്തരം മാധ്യമങ്ങളുടെ തലപ്പത്തുള്ളവരുടെ പൊയ്മുഖങ്ങള്‍ പുറത്തുവന്നതായും അദ്ദേഹം പറഞ്ഞു. കൊളോണിയന്‍വല്‍ക്കരണത്തിന്റെ എല്ലാദുഷ്‌ചെയ്തികളും ഇന്ത്യയിലെ മാധ്യമങ്ങളിലും കൊണ്ടുവരനാണ് അവര്‍ ശ്രമിക്കുന്നത്. മാധ്യമപ്രവര്‍ത്തകരെ കരാര്‍ തൊഴിലാളികളായി നിയമിക്കുകയാണ് അവര്‍ ഇപ്പോള്‍ ചെയ്തുവരുന്നത്. കേരളത്തിലും ഇത് സംഭവിച്ചുകൊണ്ടിരിക്കുകയാണ്.

സാധാരണക്കാരുടേയും പാവപ്പെട്ടവരുടേയും നീറുന്ന പ്രശ്‌നങ്ങള്‍ മുഖ്യധാരാ മാധ്യമങ്ങള്‍ വിസ്മരിച്ചുകൊണ്ടിരിക്കുകയാണ്. മാധ്യമപ്രവര്‍ത്തകര്‍ സത്യസന്ധതയും പൊതുജന താല്‍പര്യവും മുറുകെപ്പിടിക്കണമെന്നും ഇക്കാര്യത്തില്‍ ജാഗ്രത പുലര്‍ത്തണമെന്നും അദ്ദേഹം ഓര്‍മിപ്പിച്ചു.

സാധാരണക്കാരുടേയും ദളിതരുടേയും ന്യൂനപക്ഷങ്ങളുടെയും ജീവിത പ്രയാസങ്ങളും ആവശ്യങ്ങളും അവരുടെ പുരോഗതിയും വാര്‍ത്തകളില്‍ ഇടംപിടിക്കണമെന്നും ഇതിനായി മാധ്യമപ്രവര്‍ത്തകര്‍ ശ്രദ്ധപുലര്‍ത്തണമെന്നും അദ്ദേഹം അഭ്യര്‍ത്ഥിച്ചു. അങ്ങനെ ചെയ്തില്ലെങ്കില്‍ ജനങ്ങളില്‍ നിന്നും മാധ്യമപ്രവര്‍ത്തകര്‍ അകന്നുപോകും.

മാധ്യമ സെമിനാര്‍ കളക്ടര്‍ പി.എസ്.മുഹമ്മദ് ഉദ്ഘാടനം ചെയ്യുന്നു

സംയുക്ത ഖാസി പ്രൊഫ.കെ.ആലിക്കുട്ടി മുസ്ലിയാരുടെ അധ്യക്ഷതയില്‍ ജില്ലാ കളക്ടര്‍ പി.എ.മുഹമ്മദ് സഗീര്‍ സെമിനാര്‍ ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി റഷീദ് ബെളിഞ്ചം സ്വാഗതം പറഞ്ഞു. സമസ്ത ജില്ലാ ജനറല്‍ സെക്രട്ടറി യു.എം.അബ്ദുര്‍ റഹ്മാന്‍ മൗലവി, സമസ്ത ദക്ഷിണ കന്നട ജില്ലാ പ്രസിഡണ്ട് എന്‍.പി.എം സയ്യിദ് സൈനുല്‍ ആബിദീന്‍ തങ്ങള്‍, സുന്നീ യുവജന സംഘം സംസ്ഥാന വൈസ്പ്രസിഡണ്ടുമാരായ എം.എ.ഖാസിം മുസ്ലിയാര്‍, ഖത്തര്‍ ഇബ്രാഹിം ഹാജി കളനാട്, ജില്ലാ ജനറല്‍ സെക്രട്ടറി അബ്ബാസ് ഫൈസി പുത്തിഗ, പി.എസ് ഇബ്രാഹിം ഫൈസി പള്ളങ്കോട്, സിദ്ധീഖ് നദ്‌വി ചേരൂര്‍, ഇബ്രാഹിം ഫൈസി ജെഡിയാര്‍, പ്രസ് ക്ലബ്ബ് ജനറല്‍ സെക്രട്ടറി ഉണ്ണികൃഷ്ണന്‍ പുഷപഗിരി, ട്രഷറര്‍ കെ.രാജേഷ് കുമാര്‍, ഹാഷിം ദാരിമി ദേലമ്പാടി, സുഹൈര്‍ അസ്ഹരി പള്ളങ്കോട്, അബൂബക്കര്‍ സാലൂദ് നിസാമി, സിദ്ദീഖ് അസ്ഹരി പാത്തൂര്‍, മുനീര്‍ ഫൈസി ഇടിയടുക്ക, ഖലീല്‍ ഹസനി ചൂരി, ബഷീര്‍ ദാരിമി തളങ്കര, ഹാഷിം അരിയില്‍ തുടങ്ങിയ മത-സാമൂഹിക-സാംസ്‌കാരിക രംഗത്തെ പ്രമുഖര്‍ പരിപാടിയില്‍ സംബന്ധിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read:
ഫെയ്‌സ്ബുക്ക് പോസ്റ്റ്: യുവതിയുടെ ആത്മഹത്യയ്ക്ക് പിന്നില്‍ താനല്ലെന്ന് യുവാവ്

Keywords:  kasaragod, Kerala, SKSSF, Media worker, Cherkala, Seminar, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.