Home
Gulf

ഫ്രറ്റേണിറ്റി ഫോറം ആരോഗ്യ ബോധവല്‍ക്കരണ ക്യാംപ് സംഘടിപ്പിച്ചു

By Desk AlphaJan 19, 2014, 22:29 IST

ദമ്മാം: പ്രവാസി ഇന്ത്യക്കാരില്‍ വ്യായാമം ജീവിത ചര്യയാക്കി ആരോഗ്യം നിലനിര്‍ത്താന്‍ പ്രോത്സാഹിപ്പിച്ചു കൊണ്ട് ഇന്ത്യ ഫ്രറ്റേണിറ്റി ഫോറം സലാമതക് മെഡിക്കല്‍ സെന്ററുമായി ചേര്‍ന്നു ദമ്മാം നെസ്‌റ്റൊ ഹൈപ്പര്‍ മാര്‍ക്കറ്റില്‍ നടത്തിയ ആരോഗ്യ ബോധവല്‍ക്കരണ ക്യാംപ് പ്രവാസി സമൂഹത്തിന്റെ പങ്കാളിത്തം കൊണ്ട് ശ്രദ്ധേയമായി. ഹെല്‍ത്തി ലൈഫ് ഹാപ്പി ലൈഫ് കാംപയിന്റെ ഭാഗമായാണ് പരിപാടി സംഘടിപ്പിച്ചത്.

ഫോറം സോണല്‍ പ്രസിഡന്റ് മൂസക്കുട്ടി ക്യാംപ് ഉദ്ഘാടനം ചെയ്തു. പ്രവാസികള്‍ക്കിടയില്‍ ക്രമാതീതമായി വര്‍ധിച്ചുവരുന്ന അകാല മരണം, പക്ഷാഘാതം, ചെറുപ്പക്കാര്‍ക്കിടയില്‍ പോലും വ്യാപകമായ പ്രമേഹം, രക്ത സമ്മര്‍ദ്ദം ,കൊളസ്‌ട്രോള്‍ തുടങ്ങിയ രോഗങ്ങളും വ്യായാമത്തിന്റെയും ചിട്ടയായ ജീവിത ചര്യകളുടെയും അഭാവം മൂലമാണെന്ന തിരിച്ചറിവാണ് ഫ്രറ്റേണിറ്റി ഫോറത്തെ ഇത്തരമൊരു കാംപയിനിലൂടെ ബോധവല്‍ക്കരണം നടത്താന്‍ പ്രേരിപ്പിച്ചതെന്ന് അധ്യക്ഷ പ്രസംഗം നടത്തിയ ഫോറം ദമ്മാം ചാപ്റ്റര്‍ പ്രസിഡന്റ് ലത്വീഫ് കരുനാഗപ്പള്ളി പറഞ്ഞു.

വ്യായാമത്തിന്റെ ആവശ്യകതയെയും പ്രാധാന്യത്തെയും കുറിച്ച് പ്രശസ്ത വ്യായാമ വിദഗ്ധന്‍ മുഹമ്മദ് അലി മാസ്റ്റര്‍ ക്ലാസെടുത്തു. നിത്യ ജീവിതത്തില്‍ എവിടെവച്ചും ലളിതമായി ചെയ്യാവുന്ന വ്യായാമ രീതികളുടെ പ്രദര്‍ശനവും ഉണ്ടായിരുന്നു.

കാംപയിനോടനുബന്ധിച്ചു നടന്ന പൊതുചടങ്ങില്‍ മേഖലയിലെ തിരഞ്ഞെടുത്ത സാമൂഹിക പ്രവര്‍ത്തകരെ ആദരിച്ചു. നിത്വാഖാത്ത് ഇളവ് കാലയളവില്‍ ഇന്ത്യന്‍ പ്രവാസികളുടെ വ്യത്യസ്തങ്ങളായ വിഷയങ്ങളില്‍ ഇടപ്പെട്ട് പരിഹാരങ്ങള്‍ കാണാന്‍ സഹായിച്ച നാസ് വക്കം, അബ്ദുല്‍ വഹീദ്, ഷൊറാബ് അഹ്മദ് എന്നിവര്‍ക്ക് യഥാക്രമം മൂസക്കുട്ടി, നെസ്‌റ്റൊ ഡി.ജി.എം രാംദാസ്, അബ്ദുല്‍ അലി കളത്തില്‍ എന്നിവര്‍ മെമന്റൊ നല്‍കി. സലമതക് മെഡിക്കല്‍ സെന്റര്‍ എം.ഡി അസ്സാഫ് അലിയെ മുനീര്‍ പുത്തിഗെയും വ്യായാമ വിദഗ്ധന്‍ മുഹമ്മദ് അലി മാസ്റ്ററെ അമീര്‍ അലിയും പുരസ്‌കാരം നല്‍കി ആദരിച്ചു.

ക്യാംപില്‍ പങ്കെടുത്തവരില്‍ നിന്ന് നറുക്കെടുപ്പിലൂടെ തിരഞ്ഞെടുക്കപ്പെട്ട അബ്ദുല്‍ ജമാല്‍, അബ്ദുല്‍ മജീദ്, കെ ജെയിംസന്‍ പി ജോണ്‍, സിദ്ദിഖ് എം വി, മുഹമ്മദ് ഷജിര്‍ എന്നിവര്‍ സലമതക് മെഡിക്കല്‍ സെന്ററിലെ ഒരു വര്‍ഷത്തെ സൗജന്യ ചികില്‍സക്കുള്ള കാര്‍ഡുകള്‍ കരസ്ഥമാക്കി.

വനിതാ ആരോഗ്യ ബോധവല്‍ക്കരണ ക്യാംപയിനോടനുബന്ധിച്ചു നടന്ന ചിത്രരചനാ മല്‍സരത്തില്‍ വിജയികളായ അസ്‌ന നിസാര്‍, ആര്‍ദ്ര ഉണ്ണി, നയ്മ വാഹിദ്, ആദില്‍ കമറുദ്ദീന്‍ എന്നിവര്‍ക്കുള്ള സമ്മാനദാനം നമീര്‍ ഒടുങ്ങത്ത്, റഷീദ് ചെറുവാടി, അബ്ദുര്‍ റസാഖ്, അഹമ്മദ് കുഞ്ഞി എന്നിവര്‍ നിര്‍വഹിച്ചു.

ചടങ്ങില്‍ ദമ്മാം മീഡിയ ഫോറം ചെയര്‍മാന്‍ പി എ എം ഹാരിസ്, സലാമതക് മെഡിക്കല്‍ സെന്റര്‍ മാനേജിംഗ് ഡയരക്ടര്‍ അസാഫ് നെച്ചിക്കാടന്‍ തുടങ്ങിയവര്‍ പങ്കെടുത്തു. ആരോഗ്യ പരിശോധനകള്‍ക്ക് സലാമതക് മെഡിക്കല്‍ സെന്ററിലെ ഡോ. മുഹമ്മദ് മുര്‍സി, നഴ്‌സുമാരായ കല, ബീന, അഞ്ജു, ഫാത്വിമ, സിദ്ദിക്ക് അക്ബര്‍, സിനാജ് നാസര്‍, റസാഖ് എന്നിവര്‍ നേതൃത്വം നല്‍കി. അത്വീഫ് എടക്കാട് ഖിറാഅത്ത് നടത്തി. മന്‍സൂര്‍ എടക്കാട് അവതാരകനായിരുന്നു. ശംസുദ്ദീന്‍ വാടാനപ്പള്ളി സ്വാഗതവും സുനീര്‍ ചെറുവാടി നന്ദിയും പറഞ്ഞു.

ഫ്രറ്റേണിറ്റി ഫോറം ആരോഗ്യ ബോധവല്‍ക്കരണ ക്യാംപ് സംഘടിപ്പിച്ചു

സാമൂഹിക പ്രവര്‍ത്തകന്‍ നാസ് വക്കത്തെ ഫോറം സോണല്‍ പ്രസിഡന്റ്

മൂസക്കുട്ടി മെമന്റോ നല്‍കി ആദരിക്കുന്നു

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read:

Keywords: Momento to Moosakkutty, Dammam, IFF, Gulf, Medical-camp, IFF Free Medical Camp, Check up, Free, Award, Fathima, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: