ഹാര്‍ലി ഡേവിഡ്‌സണ്‍ ഫ്രീഡം റൈഡേഴ്‌സ് കിഡ്‌നി രോഗിക്ക് സഹായം നല്‍കി

കാസര്‍കോട്: ഹാര്‍ലി ഡേവിഡ്‌സണ്‍ ബൈക്കുടമകളുടെ കൂട്ടായ്മയായ ഫ്രീഡം റൈഡേഴ്‌സ് ഇത്തവണ റൈഡിനു തിരഞ്ഞെടുത്തത് കാസര്‍കോട്. കൊച്ചി കേന്ദ്രമാക്കി പ്രവര്‍ത്തിക്കുന്ന ഹാര്‍ലി ഡേവിഡ്‌സണ്‍ ബൈക്ക് ഉടമകളുടെ സംഘമാണ് കൊച്ചിയില്‍ നിന്ന് കാസര്‍കോട്ടേക്ക് റൈഡ് നടത്തിയത്. റൈഡിനോടനുബന്ധിച്ച് കാസര്‍കോട്ടെ കിഡ്‌നി രോഗിക്ക് സഹായം നല്‍കി.


ആഴ്ചയില്‍ ഓരോ തവണ കൊച്ചി കേന്ദ്രമാക്കി റൈഡ്‌നടത്തുന്ന ഇവര്‍ ഇടയ്ക്കിടയാണ് ദൂരെദിക്കുകള്‍ തിരഞ്ഞെടുക്കുന്നത്. റൈഡിനോടനുബന്ധിച്ച് പാവപ്പെട്ടവര്‍ക്കും നിര്‍ദ്ധന രോഗികള്‍ക്കും ഇവര്‍ സഹായവുമെത്തിക്കുന്നുണ്ട്.

കഴിഞ്ഞദിവസം കൊച്ചിയില്‍ നിന്നുപുറപ്പെട്ട ഇവര്‍ രാത്രിയോടെയാണ് കാസര്‍കോട്ട് എത്തിയത്. കാസര്‍കോട്ടെ ഹോട്ടലിലാണ് ഇവര്‍ തങ്ങിയത്. കാസര്‍കോട്ട് എത്തിയ ശേഷം കിഡ്‌നി രോഗിക്ക് സഹായം എത്തിക്കുകയായിരുന്നു. മെമ്പര്‍മാര്‍മാര്‍ തന്നെയാണ് സഹായത്തിനുള്ള തുക നല്‍കുന്നത്.


കാസര്‍കോട് ജില്ലയില്‍ മേല്‍പ്പറമ്പിലെ നിസാര്‍, ഉദുമ ഏരോലിലെ നബീല്‍, തളങ്കരയിലെ സാഹിര്‍ യഹ്യ തളങ്കര എന്നിവര്‍ക്കാണ് ഹാര്‍ലി ഡേവിഡ്‌സണ്‍ ബൈക്കുകളുള്ളത്. റൈഡിനുശേഷം മറ്റുജില്ലക്കാരായ അതിഥികള്‍ക്ക് മേല്‍പ്പറമ്പിലെ നിസാറിന്റെ വീട്ടിലാണ് ഭക്ഷണം ഒരുക്കിയത്. നിസാര്‍ അടുത്ത സുഹൃത്തുക്കളേയും ചടങ്ങിന് ക്ഷണിച്ചിരുന്നു. സഹീര്‍ യഹ്യ തളങ്കരയുടെ വീട്ടിലും ഇവര്‍ സന്ദര്‍ശനം നടത്തി.


ഫ്രീഡം റൈഡേഴ്‌സ് പ്രസിഡന്റ് സാവിയോ, റോഡ് ക്യാപ്റ്റന്‍ ബെര്‍ണാഡ്, ട്രഷറര്‍ സനൂപ്, ഫൗണ്ടര്‍ മെമ്പര്‍ സിദ്ദീഖ്, അംഗങ്ങളായ അനീഷ്, ബെര്‍സണ്‍, സാഹിര്‍, റിങ്കു, ശ്രീജിത്ത്, ഇസ്ഹാഖ്, നെല്‍വിന്‍, അനസ്, നബീല്‍ തുടങ്ങിയവരാണ് സംഘത്തിലുണ്ടായിരുന്നത്. കാസര്‍കോട്ടെ റൈഡിനുശേഷം ഗോവ-വാഗത്തൂര്‍ ബീച്ചില്‍ നടക്കുന്ന ഇന്ത്യാ ബൈക്ക് വീക്ക് ഷോയില്‍ പങ്കെടുക്കാനായി സംഘം പുറപ്പെട്ടു.




















ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read:
പൊങ്കലിനോടനുബന്ധിച്ച് നടന്ന 'ജല്ലിക്കെട്ടില്‍ 50 പേര്‍ക്ക് പരിക്ക്

Keywords:  Harley Davidson,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.