കേന്ദ്ര സര്‍വകലാശാല വളപ്പിലെ വാഹനങ്ങളില്‍ നിന്നു വീണ്ടും ഡീസല്‍ മോഷണംപോയി

കാഞ്ഞങ്ങാട്: പെരിയ കേന്ദ്ര സര്‍വകലാശാല വളപ്പില്‍ മണ്ണു നീക്കുന്ന പ്രവൃത്തിയിലേര്‍പ്പെട്ട ജെസിബിയിലും ഹിറ്റാച്ചിയിലും നിന്നു വീണ്ടും ഡീസല്‍ മോഷണംപോയി. കഴിഞ്ഞ ദിവസം രാത്രിയില്‍ 300 ലിറ്റര്‍ ഡീസലാണു മോഷണം പോയത്. വാഹനങ്ങള്‍ നിര്‍ത്തിയിരുന്നതിനു സമീപത്തു സര്‍വകലാശാലയുടെ സെക്യൂരിറ്റി ജീവനക്കാരുണ്ടെങ്കിലും മോഷണം സംബന്ധിച്ചു ഇവര്‍ക്ക് ഒരു വിവരവുമില്ലെന്നാണു പറയുന്നത്.

ജീവനക്കാര്‍ രണ്ടു ദിവസം അവധിയിലായിരുന്ന ഡിസംബര്‍ 27നു രാത്രിയില്‍ 300 ലിറ്റര്‍ ഡീസലും ഇരു വാഹനങ്ങളിലും നിന്നായി 4000രൂപയുടെ ഉപകരണങ്ങളഉം ജനുവരി 10നു രാത്രിയില്‍ 200 ലിറ്റര്‍ ഡീസലുമാണു മോഷണം പോയത്. വാഹന ഉടമ ജോസ് തണ്ണീര്‍പന്തലിന്റെ പരാതിയില്‍ ബേക്കല്‍ പോലീസ് കേസെടുത്തു.

അന്വേഷണത്തിന്റെ ഭാഗമായി രാത്രിയില്‍ സെക്യൂരിറ്റി ജോലിയിലേര്‍പ്പെട്ട രണ്ടു പേരെ ചോദ്യം ചെയ്തു. ഇതു സംബന്ധിച്ചു കൂടുതല്‍ അന്വേഷണം നടത്തിവരികയാണെന്നു ഹൊസ്ദുര്‍ഗ് സിഐ പി.കെ.സുധാകരന്‍ അറിയിച്ചു.

Keywords: Kerala, Kanhangad, Central University, Diesel, Robbery, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.