ഉളിയത്തടുക്കയില്‍ പോലീസ് ഫ്ലക്‌സ് ബോര്‍ഡുകള്‍ നശിപ്പിച്ചതിനെചൊല്ലി സംഘര്‍ഷം

കാസര്‍കോട്: ഉളിയത്തടുക്കയില്‍ വെള്ളിയാഴ്ച പുലര്‍ചെ പോലീസ് ഫ്ലക്‌സ് ബോര്‍ഡുകള്‍ നശിപ്പിച്ചതിനെചൊല്ലി സംഘര്‍ഷം രൂക്ഷം. വ്യാഴാഴ്ച അര്‍ധരാത്രിക്ക് ശേഷമാണ് പോലീസ് ഉളിയത്തടുക്കയിലേയും പരിസര പ്രദേശങ്ങളിലേയും ഫ്ലക്‌സ് ബോര്‍ഡുകള്‍ നശിപ്പിച്ചത്.

അനുമതി വാങ്ങി ഈമാസം 20 വരെ നബിദിനാഘോഷ പരിപാടികളുടെ ഭാഗമായി ഉയര്‍ത്തിയ ഫ്ലക്‌സ് ബോര്‍ഡുകളും കടകള്‍, ക്ലബ്ബ്, തട്ടുകടകള്‍ എന്നിവയുടെ ബോര്‍ഡുകളുമാണ് പോലീസ് വ്യാപകമായി നശിപ്പിച്ചതെന്ന് നാട്ടുകാര്‍ ആരോപിച്ചു. കഴിഞ്ഞ ദിവസം വിദ്യാനഗര്‍ പോലീസ് ഉളിയത്തടുക്കയിലെത്തി ഫ്ലക്‌സ് ബോര്‍ഡുകള്‍ നീക്കംചെയ്യാന്‍ ആവശ്യപ്പെട്ടിരുന്നു. എന്നാല്‍ ഫ്ലക്‌സ് ബോര്‍ഡുകളൊന്നും ആരും മാറ്റിയിരുന്നില്ല.

പിന്നീട് അര്‍ധരാത്രിയോടെ പോലീസ് മഫ്ടിയിലെത്തി ഫ്ലക്‌സ് ബോര്‍ഡുകള്‍ നശിപ്പിക്കുകയായിരുന്നുവെന്നാണ് ആക്ഷേപം. പോലീസ് ബോര്‍ഡുകള്‍ നശിപ്പിക്കുന്നത് ചിലയുവാക്കള്‍ കണ്ടിരുന്നു. രാവിലെ ഉളിയത്തടുക്കയിലെത്തിയ പോലീസ് ഇവരെ കസ്റ്റഡിയിലെടുത്തതോടെയാണ് പോലീസും നാട്ടുകാരും തമ്മില്‍ സംഘര്‍ഷം ഉടലെടുത്തത്. യുവാക്കളെ പിടികൂടാന്‍ ശ്രമിക്കുന്നതിനിടെ ഓടുന്നതിനിടയില്‍ വീണ് വിദ്യാനഗര്‍
അഡീഷണന്‍ എസ്.ഐ. രവിയുടെ കയ്യെല്ല് പൊട്ടിയിരുന്നു. രവിയെ കാസര്‍കോട് കെയര്‍വെല്‍ ആശുപത്രിയില്‍ പ്രവേശിപ്പിച്ചു.

ആഘോഷപരിപാടികളെ മഫ്ടിയിലെത്തിയ പോലീസ് ആക്ഷേപിച്ചതായും നാട്ടുകാര്‍ ആരോപിക്കുന്നു. പോലീസ് മന:പ്പൂര്‍വം കുഴപ്പം സൃഷ്ടിക്കുന്നുവെന്നാരോപിച്ച് നാട്ടുകാര്‍ തടിച്ചുകൂടുകയും പ്രതിഷേധം പ്രകടിപ്പിക്കുകയും ചെയ്തതോടെ ഡി.വൈ.എസ്.പി. എ. രാമചന്ദ്രന്‍, സി.ഐ. ഡോ. ബാലകൃഷ്ണന്‍, എന്‍.എ. നെല്ലിക്കുന്ന് എം.എല്‍.എ. എന്നിവര്‍ സ്ഥലത്തെത്തി പ്രശ്‌നം നാട്ടുകാരുമായി ചര്‍ചചെയ്ത് പരിഹരിക്കുകയായിരുന്നു. നടക്കാനുള്ള പരിപാടികളുടെ ഫ്ലക്‌സ് ബോര്‍ഡ് സ്ഥാപിക്കാമെന്ന് പോലീസ് സംമ്മതിച്ചിട്ടുണ്ട്. ഇതോടെയാണ് നാട്ടുകാര്‍ പിരിഞ്ഞുപോയത്. കസ്റ്റഡിയിലെടുത്തവരെ പോലീസ് പിന്നീട് വിട്ടയച്ചു.



ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kumbala, Attack, Police, Arrest, Kasaragod, Kerala, Injured, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.