നാഷണല്‍ നഗറില്‍ ബൈക്ക് തടഞ്ഞുനിര്‍ത്തി യാത്രക്കാരെ ആക്രമിച്ചു; 3 പേര്‍ ആശുപത്രിയില്‍

കാസര്‍കോട്: ഉളിയത്തടുക്ക നാഷണല്‍ നഗറില്‍ ഒരു സംഘം ബൈക്ക് തടഞ്ഞുനിര്‍ത്തി യാത്രക്കാരെ ആക്രമിച്ചു. അക്രമത്തില്‍ പരിക്കേറ്റ മൂന്ന് പേരെ നുള്ളിപ്പാടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. മധൂര്‍ കോടിമജലിലെ എം. ബാലരാജ് (24), ആര്‍. രാജേഷ് (24), കാര്‍ത്തിക് രാജ് (24) എന്നിവര്‍ക്കാണ് പരിക്കേറ്റത്. ഇവരില്‍ ഗുരുതരമായി പരിക്കേറ്റ കാര്‍ത്തികിനെ പിന്നീട് മംഗലാപുരം ആശുപത്രിയിലേക്ക് മാറ്റി.

കുമ്പളയില്‍ ഉത്സവം കണ്ട് രണ്ട് ബൈക്കുകളിലായി വീട്ടിലേക്ക് തിരിച്ചുവരുമ്പോള്‍ നാഷണല്‍ നഗറില്‍ കൂട്ടംകൂടിനിന്ന 25 ഓളം പേരാണ് ഇരുമ്പ് വടികൊണ്ടും മറ്റും ആക്രമിച്ചതെന്ന് പരിക്കേറ്റവര്‍ പറഞ്ഞു. കാര്‍ത്തികിന് തലയ്ക്കാണ് പിരക്കേറ്റത്. സംഭവത്തില്‍ രണ്ട് പേര്‍ പോലീസ് കസ്റ്റഡിയിലാണ്. മാവിനക്കട്ടയില്‍ ഞായറാഴ്ച രാത്രിയുണ്ടായ സംഭവത്തിന്റെ തുടര്‍ചയാണ് ഇതെന്ന് സംശയിക്കുന്നു.

മാവിനക്കട്ടയിലെ അക്രമവുമായി ബന്ധപ്പെട്ട് പോലീസ് മര്‍ദിച്ചുവെന്നാരോപിച്ച് രണ്ട് പേര്‍ കൂടി നുള്ളിപ്പാടി ആശുപത്രിയില്‍ ചികിത്സയിലാണ്. മാവിനക്കട്ട സ്വദേശികളായ കെ. ലത്തീഫ് (35), അബ്ബാസ് ജാഫര്‍ (21) എന്നിവരാണ് ആശുപത്രിയില്‍ ചികിത്സയിലുള്ളത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.