'മണല്‍വാരല്‍ മേഖലയിലെ പ്രതിസന്ധി ശാശ്വത പരിഹാരം കാണണം'

കാസര്‍കോട്: ജില്ലയില്‍ മണലിന്റെയും ധാതുക്കളുടേയും ഖനനം നിര്‍ത്താനുള്ള ദേശീയ ഹരിത ട്രിബ്യൂണിലന്റെ ഉത്തരവ് നിര്‍മ്മാണമേഖലയെ കടുത്ത പ്രതിസന്ധിയിലാക്കി. ഇതോടെ പതിനായിരക്കണക്കിന് തൊഴിലാളികള്‍ പട്ടിണിയിലേക്ക് നീങ്ങുകയാണ്. തുറമുഖ വകുപ്പിന്റെ മണല്‍വാരല്‍ മേഖലയില്‍ മണലെടുപ്പ് നിരോധിക്കാനുള്ള നീക്കം പുനപരിശോധിക്കണമെന്നും പ്രശ്‌നത്തിന് ശാശ്വത പരിഹാരം കാണണമെന്നും കാസര്‍കോട് ജില്ലാ പോര്‍ട്ട് ഡ്രഡ്ജിംഗ് വര്‍ക്കേഴ്‌സ് അസോസിയേഷന്‍ അടിയന്തിര യോഗം ആവശ്യപ്പെട്ടു.

പുതിയ ഉത്തരവിലൂടെ നിര്‍മ്മാണ മേഖല പൂര്‍ണമായും സ്തംഭനാവസ്ഥയിലേക്ക് നീങ്ങുകയാണ്. ഇത് തൊഴിലാളികളെ പട്ടിണിയിലാക്കുന്നതോടൊപ്പം വ്യാപരമേഖലയേയും ക്ഷീണിപ്പിക്കും. ജില്ലാ പ്രസിഡണ്ട് ഹനീഫ് നെല്ലിക്കുന്ന് അധ്യക്ഷത വഹിച്ചു. വി.വി. ചന്ദ്രന്‍, പപ്പന്‍ കൈതക്കാട്, ടി.വി. രാജന്‍, അനില്‍കുമാര്‍, സി.പി. അബ്ദുല്ല, സക്കീര്‍ ഹുസൈന്‍, അബ്ദുര്‍ റഹ്മാന്‍, ഖലീല്‍, മോഹനന്‍ സംസാരിച്ചു.