ഓടുന്ന ബസില്‍ നിന്ന് റോഡിലേക്ക് തെറിച്ചുവീണ് യുവാവ് ദാരുണമായി മരിച്ചു

ഉപ്പള: ഓടുന്ന ബസില്‍ നിന്ന് റോഡിലേക്ക് തെറിച്ചുവീണ് യുവാവ് ദാരുണമായി മരിച്ചു. കാര്‍ണാടക മുടിപ്പു പുരുഷങ്കോടി സ്വദേശിയും ഹൊസങ്കടിയിലെ വസ്ത്രാലയത്തില്‍ തൊഴിലാളിയുമായ ഹനീഫ (21) യാണ് മരിച്ചത്. തിങ്കളാഴ്ച രാവിലെ 9.30 മണിയോടെ സുങ്കതകട്ടയിലാണ് അപകടം.

ഹൊസങ്കടി കടമ്പാറില്‍ അമ്മാവന്റെ വീട്ടില്‍ താമസിച്ച് വരികയായിരുന്നു ഹനീഫ്. ഉപ്പളയിലെ തുണിക്കടയിലേക്ക് ജോലിക്കായി വരുമ്പോഴായിരുന്നു അപകടമുണ്ടായുത്. തിരക്കുള്ള ബസില്‍ സ്റ്റെപ്പില്‍നിന്ന് യാത്രചെയ്യുന്നതിനിടെ റോഡിലേക്ക് തെറിച്ച് വീഴുകയായിരുന്നു. തലയ്ക്ക് ഗുരുതരമായി പരിക്കേറ്റ ഹനീഫിനെ ഉടന്‍ തൊട്ടടുത്ത ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റുമോര്‍ട്ടത്തിനായി മംഗല്‍പാടി ഗവണ്‍മെന്റ് ആശുപത്രിയിലേക്ക് മാറ്റി.

പുരുഷങ്കോടിയിലെ മുഹമ്മദിന്റെ ഏകമകനാണ് ഹനീഫ. മൂന്ന് സഹോദരിമാരുണ്ട്. നേരത്തെ ഹൊസങ്കടിയില്‍ ഒരു സ്വര്‍ണക്കടയില്‍ ജോലിചെയ്തിരുന്നു. അപകടത്തെ കുറിച്ച് മഞ്ചേശ്വരം പോലീസ് അന്വേഷിക്കുന്നു.