അധ്യാപകന്‍ മൊബൈലില്‍ ഫോട്ടോയെടുത്തതിനെ ചൊല്ലി കലോത്സവ പന്തലില്‍ സംഘര്‍ഷം

കാസര്‍കോട്: അധ്യാപകന്‍ മൊബൈല്‍ ഫോണില്‍ ഫോട്ടോയെടുത്തതിനെ ചൊല്ലി കലോത്സവ പന്തലില്‍ സംഘര്‍ഷം. തെക്കില്‍ പറമ്പ ഗവ യു.പി സ്‌കൂളില്‍ നടക്കുന്ന കലോത്സവ പന്തലിലാണ് സംഘര്‍ഷം ഉണ്ടായത്.

മലയോര മേഖലയിലെ സ്‌കൂള്‍ അധ്യാപകനെയും സഹ അധ്യാപകരെയുമാണ് ഏതാനും വിദ്യാര്‍ത്ഥികള്‍ ചേര്‍ന്ന് കയ്യേറ്റത്തിന് ശ്രമിച്ചത്. ഭക്ഷണ കഴിച്ചു കൊണ്ടിരിക്കുന്നതിനിടയില്‍ മഴ പെയ്തപ്പോള്‍ പന്തലിനകത്ത് കയറി നിന്ന അധ്യാപകന്‍ ഭക്ഷണം കഴിച്ചു കൊണ്ടിരിക്കുന്ന ഏതാനും വിദ്യാര്‍ത്ഥികള്‍ മഴവെള്ളം വീഴുന്നതിനാല്‍ ഭക്ഷണത്തിന് മുന്നില്‍ നിന്നും എഴുന്നേറ്റ് പോകുന്നത് മൊബൈല്‍ ഫോണില്‍ പകര്‍ത്തിയതിന്റെ പേരിലാണ് ഒരു സ്വകാര്യ കോളജിലെ വിദ്യാര്‍ത്ഥികള്‍ അധ്യാപകനെതിരെ തിരിഞ്ഞത്.

File Photo

കലോത്സവ വേദിയിലോ മറ്റോ മൊബൈല്‍ ഫോണില്‍ ഫോട്ടോയെടുക്കാന്‍ പാടില്ലെന്ന് നേരത്തെ അറിയിപ്പുണ്ടായിരുന്നു. അധ്യാപകര്‍ക്കും നിയമം ബാധകമാണെന്ന് പറഞ്ഞാണ് വിദ്യാര്‍ത്ഥികള്‍ പ്രശ്‌നമുണ്ടാക്കിയത്. ഭക്ഷണ സാധനങ്ങള്‍ അധ്യാപകന് നേരെ വലിച്ചെറിയുകയും ചെയ്തു. പിന്നീട് സംഘാടക സമിതി അധികൃതരും പോലീസും ഭക്ഷണ പന്തലിലുണ്ടായിരുന്നവരും എത്തി അധ്യാപകനെ സ്റ്റാഫ് റൂമിലേക്ക് കൂട്ടിക്കൊണ്ടുപോയതോടെയാണ് സംഘര്‍ഷത്തിന് അയവുണ്ടായത്.

അധ്യാപകന്റെ മൊബൈല്‍ ഫോണ്‍ പോലീസ് പരിശോധിച്ചപ്പോള്‍ വെള്ളം വീഴുന്ന ചിത്രം മാത്രമാണ് കണ്ടെത്തിയത്. സംഭവം പിന്നീട് രമ്യമായി പരിഹരിച്ചു.
ടി.പി. കൊലക്കേസ് പ്രതികള്‍ ഫേസ് ബുക്കിലും ഹിറ്റ്; അന്വേഷണത്തിന് ഉത്തരവിട്ടതായി തിരുവഞ്ചൂര്‍
Keywords : Kasaragod, Mobile Phone, Photo, Clash, Kerala, School, Kalolsavam, Police, Teacher, Tekkil Paramba, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.