ജില്ലയില്‍ മൂന്നു മാസത്തിനിടെ പിടികൂടിയത് 914 ലിറ്റര്‍ വിദേശമദ്യം

By kvarthakgd1Dec 12, 2013, 18:42 IST

കാസര്‍കോട്: കഴിഞ്ഞ മൂന്നു മാസങ്ങളില്‍ കാസര്‍കോട് എക്‌സൈസ് ഡിവിഷന്റെ ആഭിമുഖ്യത്തില്‍ നടന്ന വിവിധ റെയ്ഡുകളില്‍ 914 ലിറ്റര്‍ വിദേശമദ്യം പിടികൂടിയതായി എക്‌സൈസ് അസിസ്റ്റന്റ് കമ്മിഷണര്‍ വി.കെ. രാധാകൃഷ്ണന്‍ അറിയിച്ചു. മദ്യ ഉല്‍പാദനം-കടത്ത്-വില്‍പന എന്നിവ തടയുന്നതിന് പ്രവര്‍ത്തിക്കുന്ന ജില്ലാ തല ജനകീയ സമിതി യോഗത്തിലാണ് അദ്ദേഹം ഈ വിവരം അറിയിച്ചത്.

വിദേശ മദ്യത്തിന് പുറമേ 144 ലിറ്റര്‍ ചാരായവും 165 ലിറ്റര്‍ സ്പിരിറ്റും 58 ലിറ്റര്‍ ബിയറും, ചാരായം ഉണ്ടാക്കാനുപയോഗിക്കുന്ന 915 ലിറ്റര്‍ വാഷും പിടികൂടിയിട്ടുണ്ട്. എക്‌സൈസ് സ്‌ക്വാഡുകള്‍ മറ്റു വിവിധ വകുപ്പുകള്‍ അടങ്ങിയ സംയുക്ത സ്‌ക്വാഡുകള്‍ ജില്ലയില്‍ 1053 റെയ്ഡുകള്‍ നടത്തി 139 അബ്കാരി കേസുകള്‍ രജിസ്റ്റര്‍ ചെയ്തു. 109 പേരെ അറസ്റ്റ് ചെയ്തിട്ടുണ്ട്.

ജില്ലയില്‍ മൂന്നു മാസത്തിനിടെ പിടികൂടിയത് 914 ലിറ്റര്‍ വിദേശമദ്യം

File Photo

മദ്യം കടത്താന്‍ ഉപയോഗിച്ച ആറു വാഹനങ്ങളെയും കസ്റ്റഡിയിലെടുത്തു. 772 പ്രവാശ്യം കള്ള് ഷാപ്പുകളും 83 പ്രാവശ്യം വിദേശമദ്യഷാപ്പുകള്‍, ബാര്‍ എന്നിവ പരിശോധിക്കുകയും ചെയ്തിട്ടുണ്ട്. 84,897 വാഹനങ്ങള്‍ പരിശോധനയ്ക്ക് വിധേയമാക്കി. കര്‍ണാടക അതിര്‍ത്തി പ്രദേശമായ ജാല്‍സൂര്‍, കൊട്ടിയാടി, എടനീര്‍, ബായാര്‍, പുത്തിഗെ ഭാഗങ്ങളില്‍ എക്‌സൈസ് വിഭാഗം റെയ്ഡുകള്‍ ശക്തമാക്കിയിട്ടുണ്ട്.

പെരിയ ഭാഗത്തും ചാലിങ്കാല്‍, മുത്തനടുക്കം കോളനിയിലും പരിശോധന ശക്തമാക്കി. അളവില്‍ കൂടുതല്‍ മദ്യം ശേഖരിച്ചതിനും കേസുകള്‍ രജിസ്റ്റര്‍ ചെയ്തിട്ടുണ്ട്. കീഴൂര്‍ ഭാഗത്ത് നിരന്തരം റെയ്ഡുകള്‍ നടത്തുമെന്നും അദ്ദേഹം അറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kasaragod, Kerala, Liquor, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.

Advertisement: