പ്ലസ്ടു വിദ്യാര്‍ത്ഥിനിയെ ബസില്‍ പീഡിപ്പിക്കാന്‍ ശ്രമം; യുവാവ് ഒളിവില്‍

കുമ്പള: സ്വകാര്യ ബസില്‍ പ്ലസ്ടു വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ചതായി പരാതി. പീഡിപ്പിക്കാന്‍ ശ്രമിച്ചയുവാവ് ഒളിവില്‍ പോയി. തിങ്കളാഴ്ച രാവിലെ കളത്തൂരില്‍ നിന്നും കുമ്പളയിലേക്ക് വരികയായിരുന്ന സ്വകാര്യ ബസിലാണ് പീഡനശ്രമം അരങ്ങേറിയത്.

പെണ്‍കുട്ടി ബഹളം വെച്ചപ്പോള്‍ ബസ് നിര്‍ത്തുകയും ഇതിനിടയില്‍ യുവാവ് ഒരു കാറില്‍ കയറി രക്ഷപ്പെടുകയായിരുന്നു. കുമ്പള പോലീസ് സ്‌റ്റേഷനില്‍ എത്തി പെണ്‍കുട്ടി സംഭവം
പറയുകയായിരുന്നു. ഇതേതുടര്‍ന്ന് പോലീസ് മാതാവിനെ വരുത്തി. സംഭവത്തില്‍
കേസെടുക്കേണ്ടതില്ലെന്നും യുവാവിനെ താക്കീത് ചെയ്ത് വിട്ടയച്ചാല്‍ മതിയെന്നും പെണ്‍കുട്ടി പോലീസില്‍ എഴുതിക്കൊടുത്തു. ബസ് ഡ്രൈവറും കണ്ടക്ടറും പോലീസില്‍ ഹാജരായിരുന്നു.