ട്രക്കര്‍ കൊക്കയിലേക്ക് മറിഞ്ഞ് തീര്‍ത്ഥാടക സംഘത്തിലെ ദമ്പതികള്‍ മരിച്ചു; 11 പേര്‍ക്ക് പരിക്ക്

മംഗലാപുരം: ബാംഗ്ലൂരില്‍ നിന്ന് ധര്‍മസ്ഥലയിലേക്ക് തീര്‍ത്ഥാടനത്തിന് പോവുകയായിരുന്ന സംഘം സഞ്ചരിച്ച ട്രക്കര്‍ നിയന്ത്രണം വിട്ട് കൊക്കയിലേക്ക് മറിഞ്ഞ് ദമ്പതികള്‍ മരിച്ചു. 11 പേര്‍ക്ക് ഗുരുതരമായി പരിക്കേറ്റു. കഴിഞ്ഞദിവസം ബെല്‍ത്തങ്ങാടി ചാര്‍മാഡി ഗട്ടിലാണ് അപകടമുണ്ടായത്.

ഹാസനിലെ കനകരാജ് (49), ഭാര്യ ചിക്കമ്മ (46) എന്നിവരാണ് മരിച്ചത്. ഇവരുടെ മകന്‍ ചേതന്‍, മരുമകള്‍ കവിത, ചെറുമകന്‍ പ്രജ്വല്‍, യശോദമ്മ, ലത, ഉമേശ്, അരുണ, രേണുക, വാഹനത്തിന്റെ ഡ്രൈവര്‍ ഗോവിന്ദരാജ്, രണ്ട് കുട്ടികള്‍ എന്നിവര്‍ക്കാണ് പരിക്കേറ്റത്. ഇവരെ വിവിധ ആശുപത്രികളില്‍ പ്രവേശിപ്പിച്ചു.

ഈച്ചര്‍ ജംബോ ചരക്ക് ലോറിയിലെ യാത്രക്കാരായിരുന്നു എല്ലാവരും. വാഹനം ചാര്‍മാഡി ഗട്ടിലെ അഞ്ചാംനമ്പര്‍ വളവിലെത്തിയെപ്പോള്‍ നിയന്ത്രണംവിട്ട് റോഡരികിലെ സംരക്ഷണമതില്‍ ഇടിച്ച് തകര്‍ത്ത് കൊക്കയിലേക്ക് മറിയുകയായിരുന്നു. സംഭവത്തില്‍ ചേതന്റെ പരാതിയില്‍ ബെല്‍ത്തങ്ങാടി പോലീസ് കേസെടുത്തു.

Also read:
സൗദിയില്‍ തിങ്കളാഴ്ച തലവെട്ടല്‍; വധശിക്ഷയ്‌ക്കെതിരെ ഫേസ്ബുക്കും വാട്ട്‌സ് ആപ്പും
Keywords:  Accident, Mangalore, Injured, Obituary, Beltangady, Couple, Charmadi Ghat, Eicher Jumbo goods truck, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.