വഴിയാത്രക്കാരനെ ഇടിച്ച് ബൈക്ക് മറിഞ്ഞു; 3 പേര്‍ക്ക് ഗുരുതരം

മഞ്ചേശ്വരം: നിയന്ത്രണംവിട്ട ബൈക്ക് വഴിയാത്രക്കാരനെ ഇടിച്ചതിന് ശേഷം മറിഞ്ഞു. വഴിയാത്രക്കാരനും ബൈക്ക് യാത്രക്കാരായ രണ്ട് പേര്‍ക്കും ഗുരുതരമായി പരിക്കേറ്റു. ഞായറാഴ്ച രാത്രി 9.30 മണിയോടെ കൈക്കമ്പയിലാണ് അപകടമുണ്ടായത്.

വഴിയാത്രക്കാരനായ യു.പി. സ്വദേശി മൊയ്തീന്‍ (30), ബൈക്കില്‍ സഞ്ചരിക്കുകയായിരുന്ന സഹോദരങ്ങളും ബന്തിയോട് ഒളയം സ്വദേശികളുമായ മുസമ്മില്‍ (26), മുനീര്‍ (25) എന്നിവര്‍ക്കാണ് ഗുരുതരമായി പരിക്കേറ്റത്. മൂവരേയും മംഗലാപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

File Photo

ഉപ്പള ടൗണിലെ ക്വാര്‍ട്ടേഴ്‌സില്‍ താമസിച്ച് സീലിംഗ് ജോലി ചെയ്തുവരികയായിരുന്നു മൊയ്തീന്‍. തലപ്പാടിയില്‍ നിന്ന് ഒളയത്തേക്ക് പോവുകയായിരുന്നു ബൈക്ക്. അപകടത്തില്‍പെട്ട മൂന്ന് പേരേയും സാമൂഹ്യപ്രവര്‍ത്തകനായ സക്കീര്‍ ഹിദായത്ത് നഗറിന്റെ നേതൃത്വത്തില്‍ നാട്ടുകാരാണ് ഉടന്‍ ആശുപത്രിയില്‍ എത്തിച്ചത്. മൊയ്തീന്റെ തലയ്ക്കാണ് പരിക്കുള്ളത്.

Also read:
വിവാഹാഘോഷത്തിനിടയില്‍ വധുവിന്റെ പിതാവ് വരന്റെ സഹോദരനെ വെടിവെച്ചു കൊന്നു
Keywords:  Manjeshwaram, Accident, Bike, Injured, Hospital, Kasaragod, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.