വിദ്യാനഗറില്‍ ടാങ്കര്‍ ലോറി നിയന്ത്രണം വിട്ട് മറിഞ്ഞു; വന്‍ ദുരന്തം ഒഴിവായി

വിദ്യാനഗര്‍: ടാങ്കര്‍ ലോറി നിയന്ത്രണം വിട്ട് റോഡരികിലെ മരത്തിലിടിച്ച് മറിഞ്ഞ് ഡ്രൈവര്‍ക്ക് പരിക്ക്. തിങ്കളാഴ്ച പുലര്‍ചെ നാല് മണിയോടെ വിദ്യാനഗര്‍ ദേശീയ പാതയില്‍ പെട്രോള്‍ പമ്പിനടുത്താണ് അപകടമുണ്ടായത്. പാചക വാതക ടാങ്കര്‍ ലോറിയില്‍ ഗ്യാസ് ഇല്ലാത്തതിനാല്‍ സംഭവിക്കുമായിരുന്ന വന്‍ ദുരന്തം ഒഴിവായി.

കൊച്ചിയില്‍ പാചക വാതകം ഇറക്കി മംഗലാപുരത്തേക്ക് മടങ്ങുകയായിരുന്ന കെ.എ. 01 ഡി. 2811 നമ്പര്‍ ടാങ്കറാണ് അപകടത്തില്‍പെട്ടത്. എതിര്‍വശത്ത്‌നിന്ന് തെറ്റായ ദിശയില്‍ അമിതവേഗതയില്‍ വരികയായിരുന്ന ലോറിയില്‍ തട്ടാതിരിക്കാന്‍ വെട്ടിക്കുന്നതിനിടെയാണ് ടാങ്കര്‍ ലോറി സ്റ്റിയറിംഗ് മുറിഞ്ഞ് നിയന്ത്രണം വിട്ട് അപകടത്തില്‍ പെട്ടതെന്ന് ഡ്രൈവര്‍ തമിഴ്‌നാട് തുറയൂര്‍ സ്വദേശി ജി. പ്രഭു (31) പറഞ്ഞു. ഇയാള്‍ക്ക് തലയ്ക്കും കാലിനും പരിക്കുണ്ട്. ക്ലീനര്‍ തുറയൂരിലെ രംഗനാഥന്‍ (19) പരിക്കേല്‍ക്കാതെ രക്ഷപ്പെട്ടു. പരിക്കേറ്റ പ്രഭു കാസര്‍കോട്ടെ സ്വകാര്യ ആശുപത്രിയില്‍ ചികിത്സതേടി.

വിദ്യാനഗര്‍ പോലീസും നാട്ടുകാരും രക്ഷാപ്രവര്‍ത്തനത്തിന് നേതൃത്വം നല്‍കി. അപകടത്തെതുടര്‍ന്ന് വിദ്യാനഗറില്‍ അനുഭവപ്പെടുന്ന ഗതാഗത കുരുക്ക് നിയന്ത്രിക്കാന്‍ പോലീസ് സ്ഥലത്തുണ്ട്. ലോറി റോഡരികിലെ പ്ലാവില്‍ ഇടിച്ച് മറിഞ്ഞില്ലായിരുന്നുവെങ്കില്‍ തൊട്ടടുത്ത വ്യാപാര സ്ഥാപനങ്ങളും ഹോട്ടലും തകര്‍ന്ന് വന്‍ നഷ്ടം സംഭവിക്കുമായിരുന്നു.


Also read:
ചാമ്പ്യന്‍സ് ലീഗ് ട്വന്റി-20 കിരീടം മുംബൈ ഇന്ത്യന്‍സിന്

Keywords:  Vidya Nagar, Tanker Lorry, Accident, Gas, Injured, hospital, Kasaragod, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: