വാഹനങ്ങള്‍ക്ക് കല്ലെറിയാന്‍ ക്വട്ടേഷന്‍ സംഘം: ഒരാള്‍ അറസ്റ്റില്‍; 5 പേര്‍ വലയില്‍

കാസര്‍കോട്: ദേശീയപാതയില്‍ വാഹനങ്ങള്‍ക്ക് നേരെ കാശുവാങ്ങി കല്ലെറിയുന്ന സംഘത്തിലെ ഒരാളെ പോലീസ് അറസ്റ്റു ചെയ്തു. അഞ്ചുപേര്‍ വലയിലാണ്. കുമ്പള പേരാല്‍ മടിമുഗറിലെ ഷംസുദ്ദീ(27) നെയാണ് ബുധനാഴ്ച ചന്തേര പോലീസ് അറസ്റ്റ് ചെയ്തത്. ചെറുവത്തൂരില്‍ വെച്ച് നാട്ടുകാര്‍ ഷംസുദ്ദീനെ പിടികൂടി പോലീസില്‍ ഏല്‍പിക്കുകയായിരുന്നു. ചെറുവത്തൂര്‍ ടൗണില്‍ ബുധനാഴ്ച രാത്രി ഒരു ലോറിക്ക് നേരെ കല്ലേറുണ്ടായിരുന്നു.

സംഭവം ശ്രദ്ധയില്‍പെട്ട നാട്ടുകാര്‍ ഷംസുദ്ദീനെ കയ്യോടെ പിടികൂടി പോലീസിലേല്‍പിക്കുകയായിരുന്നു. ഹര്‍ത്താലുകളിലും മറ്റും പലതവണ വാഹനങ്ങള്‍ക്കു നേരെ കല്ലെറിഞ്ഞതായി ഷംസുദ്ദീന്‍ പോലീസിന് മൊഴി നല്‍കി. കല്ലെറിയാന്‍ തനിക്ക് പണം നല്‍കുന്നവരെ കുറിച്ചും കൂട്ടാളികളെ കുറിച്ചും പോലീസിന് വിവരം നല്‍കിയിട്ടുണ്ട്.

ചെറുവത്തൂരില്‍ ഒരു ആശുപത്രി കാന്റീനില്‍ കുറച്ചുനാളായി ജോലി ചെയ്തുവരികയായിരുന്നു ഷംസുദ്ദീന്‍. ജില്ലാ പോലീസ് ചീഫ് തോംസണ്‍ ജോസിന്റെ നിര്‍ദേശപ്രകാരം ബുധനാഴ്ച രാത്രി ഷംസുദ്ദീനെ കാസര്‍കോട്ടെത്തിച്ച് പ്രത്യേക അന്വേഷണ സംഘത്തിന്റെ നേതൃത്വത്തില്‍
ചോദ്യം ചെയ്തുവരികയാണ്.

അടുത്ത കാലത്തായി മഞ്ചേശ്വരം മുതല്‍ കാസര്‍കോടുവരെ ദേശീയപാതയില്‍ വാഹനങ്ങള്‍ക്ക് കല്ലെറിയുന്നത് പതിവാണ്. ഇതേക്കുറിച്ച് പോലീസ് അന്വേഷണം നടത്തിവരുന്നതിനിടയിലാണ് ഷംസുദ്ദീന്‍ കുടുങ്ങിയത്. മറ്റുള്ളവരെ ഉടന്‍ അറസ്റ്റ് ചെയ്യാന്‍ കഴിയുമെന്ന് പോലീസ് വ്യക്തമാക്കി.

Also Read:
ലാലുപ്രസാദ് യാദവിന് 5 വര്‍ഷം തടവ്

Keywords: Casaragod, Stone pelting, Arrest, Police, Cheruvathur, Kumbala, Lorry, Manjeshwaram, District, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: