നാട് ബലി പെരുന്നാള്‍ ആഘോഷ നിറവില്‍

കാസര്‍കോട്:  വിശ്വാസികള്‍ ബുധനാഴ്ച ബലി പെരുന്നാള്‍ ആഘോഷിക്കുന്നു. രാവിലെ പള്ളികളിലും പ്രത്യേകം സജ്ജമാക്കിയ ഈദ് ഗാഹുകളും  പെരുന്നാള്‍ നിസ്‌ക്കാരം നടന്നു. ദൈവവിളി കേട്ട് മകന്‍ ഇസ്മാഈലിനെ ബലി നല്‍കാന്‍ സന്നദ്ധനായ പ്രവാചകന്‍ ഇബ്രാഹിം നബിയുടെ ത്യാഗത്തിന്റെ സന്ദേശം ഇമാമുമാര്‍ ഉദ്‌ബോധിപ്പിച്ചു.


ബലി കര്‍മവും നടന്നു. പ്രധാന പള്ളികളിലെല്ലാം വിശ്വാസികളുടെ തിരക്ക് അനുഭവപ്പെട്ടു. പുതുവസ്ത്രങ്ങള്‍ അണിഞ്ഞും സ്‌നേഹാശംസകള്‍ കൈമാറിയും ബന്ധുക്കളുടെയും മിത്രങ്ങളുടെയും

വീടുകള്‍ സന്ദര്‍ശിച്ചും വിരുന്നൊരുക്കിയുമാണ് ആളുകള്‍ ഈ പുണ്യദിനം ആഘോഷിക്കുന്നത്.


തെളിഞ്ഞ കാലാവസ്ഥ ആഘോഷത്തിന് മാറ്റു കൂട്ടി.

മാലിക് ദീനാര്‍ വലിയ ജുമാ മസ്ജിദില്‍ പെരുന്നാള്‍ നിസ്‌ക്കാരത്തിന് ഖത്തീബ് അബ്ദുല്‍ മജീദ് ബാഖവി നേതൃത്വം നല്‍കി. തെരുവത്ത് ഹൈദ്രോസ് ജുമാ മസ്ജിദ്, തായലങ്ങാടി ഖിളര്‍ ജുമാ മസ്ജിദ്, തളങ്കര കണ്ടത്തില്‍ മുഹ് യുദ്ദീന്‍ ജുമാ മസ്ജിദ്, തളങ്കര പടിഞ്ഞാര്‍ ജുമാ മസ്ജിദ്,


നെല്ലിക്കുന്ന് മുഹ് യുദ്ദീന്‍ ജുമാ മസ്ജിദ്, മസ്ജിദ് ഹസനത്തുല്‍ ജാരിയ- കണ്ണാടിപ്പള്ളി, ടൗണ്‍ മുബാറക് മസ്ജിദ്, പുതിയ ബസ് സ്റ്റാന്‍ഡ് സുന്നി സെന്റര്‍ മസ്ജിദ്, മസ്ജിദ് അബൂബക്കര്‍ സിദ്ദിഖ്, നായന്മാര്‍മൂല ജുമാ മസ്ജിദ്, ചെര്‍ക്കള ജുമാ മസ്ജിദ്, കുമ്പള ജുമാ മസ്ജിദ്, കാഞ്ഞങ്ങാട് ടൗണ്‍ ജുമാ മസ്ജിദ്, തൃക്കരിപ്പൂര്‍ ജുമാ മസ്ജിദ്, മേല്‍പറമ്പ് ജുമാ മസ്ജിദ്, ചെമ്മനാട് ജുമാ മസ്ജിദ് , ചെമ്മനാട് സുന്നി സെന്റര്‍, ഉളിയത്തടുക്ക ജുമാ മസ്ജിദ്, ബദിയഡുക്ക ജുമാ മസ്ജിദ്, മംഗലാപുരത്തെ വിവിധ പള്ളികള്‍ തുടങ്ങിയ കേന്ദ്രങ്ങളിലെല്ലാം പെരുന്നാള്‍ നിസ്‌ക്കാരം നടന്നു.

പെരുന്നാളിനെ വരവേല്‍ക്കാന്‍ ആഴ്ചകള്‍ക്ക് മുമ്പുതന്നെ നാടും നഗരവും ഒരുങ്ങിയിരുന്നു. കാസര്‍കോട്, കാഞ്ഞങ്ങാട് തുടങ്ങിയ ടൗണുകളില്‍ നല്ല തിരക്കാണ് പെരുന്നാള്‍ തലേന്നുവരെ അനുഭവപ്പെട്ടത്. ഹജ്ജ് കര്‍മത്തില്‍ മുഴുകി ജനലക്ഷങ്ങള്‍ മക്കയില്‍ സംഗമിച്ചപ്പോള്‍ അവര്‍ക്കൊപ്പം ചേരുകയായിരുന്നു ലോകമെങ്ങുമുള്ള വിശ്വാസികള്‍.

Also Read:
കോണ്‍ഗ്രസ് മോഡിയുടെ പേരില്‍ വോട്ടുപിടിക്കുന്നു: ജംഇയത്തുല്‍ നേതാവ്

Keywords:  Muslim brotherhood Celebrate Eid Al- Adha, Kasaragod, Masjid, Kanhangad, Badiyadukka, Uliyathaduka, Cherkala, Chemnad, Mangalore, Kerala,Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Advertisement: