പെരുന്നാള്‍ തിരക്കില്‍ മാലമോഷണം; ഒരാള്‍ പിടിയില്‍

കാസര്‍കോട്: പെരുന്നാള്‍ തിരക്കിനിടയില്‍ മാല മോഷ്ടാക്കള്‍ അഴിഞ്ഞാടി. ഒരാളെ പോലീസ് കസ്റ്റഡിയിലെടുത്തു. 10 ഓളം സ്ഥലത്താണ് മോഷണം അരങ്ങേറിയത്. ബായാര്‍ പ്രാഥമികാരോഗ്യ കേന്ദ്രത്തിലെ ജൂനിയര്‍ പബ്ലിക് ഹെല്‍ത്ത് നഴ്‌സ് ബായാര്‍ സജങ്കില നെടുമേനി ഹൗസിലെ ലക്ഷ്മിയുടെ രണ്ടര പവന്റെ കരിമണി മാലയും ഒന്നരപ്പവന്റെ മറ്റൊരു മാലയും ബൈക്കിലെത്തിയ രണ്ടംഗസംഘം കവര്‍ന്നു.

ചൊവ്വാഴ്ച വൈകിട്ട് അഞ്ചര മണിയോടെ ജോലി കഴിഞ്ഞ് വീട്ടിലേക്ക് നടന്നുപോകുമ്പോഴാണ് സംഭവം. ബൈക്കില്‍ പിന്തുടര്‍ന്നെത്തിയ രണ്ടംഗ സംഘം ലക്ഷ്മിയെ തള്ളിയിടുകയും ദേഹത്ത് കയറിയിരുന്ന് മാലകള്‍ പൊട്ടിച്ചെടുക്കുകയുമായിരുന്നു. ലക്ഷ്മി ബഹളം വെച്ചപ്പോള്‍ കവര്‍ച്ചക്കാര്‍ ബൈക്കില്‍ കയറി സ്ഥലംവിട്ടു. തള്ളി താഴെയിട്ടപ്പോള്‍ ലക്ഷ്മിക്ക് മുറിവേല്‍ക്കുകയും ചെയ്തു. ഇവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. മോഷ്ടാക്കളില്‍ ഒരാള്‍ കാസര്‍കോട് പോലീസിന്റെ പിടിയിലായിട്ടുണ്ട്.

കുഡ്‌ലു ഭഗവതി നഗറില്‍ പലചരക്കുകട നടത്തുന്ന മാധവിയുടെ മൂന്നുപവന്റെ മാല ബൈക്കിലെത്തിയ രണ്ടംഗസംഘം പൊട്ടിച്ചു. കടയില്‍ കയറി സിഗററ്റ് ആവശ്യപ്പെട്ട
കവര്‍ച്ചക്കാര്‍ മാധവി സിഗററ്റ് എടുക്കുന്നതിനിടയില്‍ പിറകില്‍ നിന്ന് മാല പൊട്ടിച്ച് കടന്നുകളയുകയായിരുന്നു.

ഉളിയത്തടുക്ക നാഷണല്‍ നഗറിലെ കെ.സുരേഷിന്റെ വീട്ടില്‍ നിന്ന് മൂന്നുപവന്റെ സ്വര്‍ണമാല കവര്‍ന്നു. അടുക്കള വാതില്‍ തകര്‍ത്ത് അകത്തുകടന്ന മോഷ്ടാക്കള്‍ അലമാരയില്‍ സൂക്ഷിച്ചിരുന്ന മാല കവരുകയായിരുന്നു. ചൊവ്വാഴ്ച ഉച്ചയ്ക്കാണ് സംഭവം. വീട്ടുകാരുടെ പരാതിയില്‍ ടൗണ്‍ പോലീസ് കേസെടുത്തു.

ഇതിനു പുറമെ വേറെയും സ്ഥലങ്ങളില്‍ കവര്‍ച്ച നടന്നതായി വിവരമുണ്ട്. എന്നാല്‍ പോലീസ് സ്‌റ്റേഷനുകളില്‍ പരാതി ലഭ്യമായിട്ടില്ല.

Also Read:
വിസ കാലാവധി അവസാനിച്ചു; അദ്‌നാന്‍ സാമിക്ക് മുംബൈ പോലീസിന്റെ നോട്ടീസ്

Keywords:  Perunal, Gold chain, Kasaragod, Police, Custody, Bayar, Health-Department, Nurse, Bike, House, General-hospital, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Advertisement: