'യുവതലമുറയുമായി സംവദിക്കാന്‍ സോഷ്യല്‍ മീഡിയകള്‍ അനിവാര്യം'

ദുബൈ: ദുബൈ കെ.എം.സി.സി കാസര്‍കോട് മണ്ഡലം കമ്മിറ്റിയുടെ സോഷ്യല്‍ മീഡിയയുടെ ഒഫീഷ്യല്‍ ഗ്രൂപ്പിന്റെ ഉദ്ഘാടനം ദുബൈ കെ.എം.സി.സി സെക്രട്ടറിയും മീഡിയ ചെയര്‍മാനുമായ ഹനീഫ് കല്‍മട്ട നിര്‍വഹിച്ചു. വിവര സാങ്കേതിക വിദ്യയും ശാസ്ത്ര സാങ്കേതിക വിദ്യയും ലോകത്തെ മാറ്റി മറിച്ച് മുന്നോട്ടു കുതിക്കുകയാണ്. സോഷ്യല്‍ മീഡിയയുടെ അമിത ഉപയോഗം യുവതലമുറയുടെ വായനാശീലത്തെ ബാധിച്ചുവെന്ന് പരിതപിക്കുമ്പോഴും യുവതലമുറയുമായി സംവദിക്കാനും ആശയവിനിമയങ്ങള്‍ കൈമാറാനും എളുപ്പ വഴി സോഷ്യല്‍ മീഡിയ തന്നെയാണെന്നും അദ്ദേഹം പറഞ്ഞു.

ശരിയായ ബോധവല്‍ക്കരണവും കൃത്യസമയങ്ങളിലുള്ള മാര്‍ഗ നിര്‍ദേശവും തെറ്റായ രീതിയിലുള്ള ഉപയോഗവും നിയന്ത്രിക്കേണ്ടതാണെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ പ്രസിഡണ്ട് മഹ് മൂദ് കുളങ്ങര അധ്യക്ഷത വഹിച്ചു. ദുബൈ കെ.എം.സി.സി ആക്ടിംഗ് ജനറല്‍ സെക്രട്ടറി ഹനീഫ് ചെര്‍ക്കള യോഗം ഉദ്ഘാടനം ചെയ്തു.


വൈസ് പ്രസിഡണ്ട് ഹസൈനാര്‍ തോട്ടുംഭാഗം, ജില്ലാ കെ.എം.സി.സി നേതാക്കളായ ഹംസ തൊട്ടി, മുനീര്‍ ചെര്‍ക്കള, ഹസൈനാര്‍ ബീജന്തടുക്ക, ഹനീഫ് ടി.ആര്‍, ഖാദര്‍ കാഞ്ഞങ്ങാട്, മണ്ഡലം കമ്മിറ്റി നേതാക്കളായ ഷരീഫ് പൈക്ക, സലീം ചേരങ്കൈ, സുബൈര്‍ മൊഗ്രാല്‍പുത്തൂര്‍, ഇ.ബി അഹമ്മദ് ചെടേയ്ക്കല്‍, പി.ടി നൂറുദ്ദീന്‍ ആറാട്ടുകടവ്, റഹീം ചെങ്കള, പഞ്ചായത്ത് കമ്മിറ്റി നേതാക്കളായ ഐ.പി.എം ഇബ്രാഹിം, സത്താര്‍ നാരമ്പാടി, സിദ്ദീഖ് ചൗക്കി, അബ്ദുര്‍ റഹ് മാന്‍ തോട്ടില്‍, സഹീര്‍ അര്‍ജാല്‍, കുഞ്ഞാമു കീഴൂര്‍ തുടങ്ങിയവര്‍ സംസാരിച്ചു. ജനറല്‍ സെക്രട്ടറി സലാം കന്യപ്പാടി സ്വാഗതവും ട്രഷറര്‍ ഫൈസല്‍ പട്ടേല്‍ നന്ദിയും പറഞ്ഞു.
Keywords : Dubai, Gulf, KMCC, Social networks, Kasargod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: