സ്ത്രീയെ അക്രമിച്ചതിന് ഭര്‍ത്താവുള്‍പെടെ 8 പേര്‍ക്കെതിരെ വധശ്രമത്തിന് കേസ്

By Web Desk PreOct 2, 2013, 12:44 IST

കാസര്‍കോട്: 59 കാരിയായ സ്ത്രീയെ വീട്ടില്‍ കയറി കുത്തിപ്പരിക്കേല്‍പിച്ചതിന് ഭര്‍ത്താവുള്‍പെടെ എട്ടുപേര്‍ക്കെതിരെ വധശ്രമത്തിന് ടൗണ്‍ പോലീസ് കേസെടുത്തു. അണങ്കൂര്‍ ഹരിശ്രീ നിലയത്തിലെ കുമാരന്റെ മകള്‍ ചന്ദ്രാവതിയുടെ പരാതിയില്‍ ഭര്‍ത്താവ് വേലുബാബു, സഹദേവന്‍, ബാബു, കണ്ണന്‍, രാമകൃഷ്ണന്‍, രാധ, കൃഷ്ണന്‍, വേലുബാബുവിന്റെ രണ്ടാം ഭാര്യ പാര്‍വതി എന്നിവര്‍ക്കെതിരെയാണ് കേസ്.

1974 നവംബര്‍ അഞ്ചിനായിരുന്നു ചന്ദ്രാവതിയുടെ വിവാഹം നടന്നത്. 2012

സ്ത്രീയെ അക്രമിച്ചതിന് ഭര്‍ത്താവുള്‍പെടെ 8 പേര്‍ക്കെതിരെ വധശ്രമത്തിന് കേസ്

സപ്തംബര്‍ എട്ടിനും 2013 ഫെബ്രുവരി ആറിനും ഇടയില്‍ പലതവണ വേലുബാബു തന്നെ ആക്രമിക്കുകയും ഒടുവില്‍ കഴിഞ്ഞ ദിവസം മറ്റുള്ളവര്‍ക്കൊപ്പം ചേര്‍ന്ന് വീട്ടില്‍ അതിക്രമിച്ചു കയറി കുത്തി മുറിവേല്‍പിച്ചെന്നുമാണ് ചന്ദ്രാവതിയുടെ പരാതി. സംഭവത്തെ കുറിച്ച് പോലീസ് കൂടുതല്‍ അന്വേഷണം നടത്തിവരികയാണ്.