ഇളയച്ഛന്റെ പീഡനം മൂലം വീടുവിട്ട 19 കാരിക്ക് പോലീസ് സ്‌റ്റേഷനില്‍ അഭയം

കാസര്‍കോട്: ഇളയച്ഛന്റെ പീഡനത്തില്‍ പൊറുതിമുട്ടി വീടുവിട്ടിറങ്ങിയ വയനാട്ടെ 19 കാരി കാസര്‍കോട് പോലീസ് സ്‌റ്റേഷനില്‍ അഭയം തേടി. വയനാട് കല്‍പറ്റ സ്വദേശിനിയായ പെണ്‍കുട്ടിയാണ് തിങ്കളാഴ്ച രാത്രി കാസര്‍കോട് പോലീസ് സ്‌റ്റേഷനില്‍ എത്തിയത്.

പോലീസ് പെണ്‍കുട്ടിയെ വനിതാ പോലീസിന്റെ സഹായത്തോടെ കോടതിയില്‍ ഹാജരാക്കുകയും കോടതി ഉത്തരവ് പ്രകാരം പരവനടുക്കം മഹിളാ മന്ദിരത്തില്‍ പാര്‍പിക്കുകയും ചെയ്തു. സംഭവത്തെ കുറിച്ച് ടൗണ്‍ പോലീസ് കല്‍പറ്റ പോലീസിനെ വിവരം അറിയിച്ചിട്ടുണ്ട്. അന്വേഷണം അങ്ങോട്ടേക്ക് വ്യാപിപ്പിക്കുമെന്ന് പോലീസ് അറിയിച്ചു.

2009 ല്‍ തന്നെ ഇളയച്ഛന്‍ പീഡിപ്പിച്ചുവെന്ന പെണ്‍കുട്ടിയുടെ പരാതിയില്‍ കല്‍പറ്റ പോലീസ് കേസെടുത്തിരുന്നു. പിന്നീടും പല പ്രാവശ്യം ഇയാള്‍ പീഡിപ്പിച്ചതായും പെണ്‍കുട്ടി പറയുന്നു. ഇളയച്ഛന്റെ രക്ഷാകര്‍തൃത്വത്തില്‍ കഴിയവെയാണ് പീഡനം. മദ്യം നല്‍കിയും പീഡിപ്പിച്ചുവത്രെ. എന്നാല്‍ പെണ്‍കുട്ടിയുടെ മുഴുവന്‍ മൊഴികളും പോലീസ് വിശ്വാസത്തിലെടുത്തിട്ടില്ല.

Also Read:  പോലീസുകാരന്റെ കണ്ണില്‍ ബ്ലീച്ചിംഗ് പൗഡര്‍ വിതറി ബലാത്സംഗ വീരന്‍ രക്ഷപ്പെട്ടു

Keywords : Kasaragod, Police-station, Woman, Kerala, Molestation, Wayanadu, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: