സംസ്ഥാനത്ത് ആധുനിക സൗകര്യമുള്ള 100 മത്സ്യ മാര്‍ക്കറ്റുകള്‍: മന്ത്രി കെ. ബാബു

കാസര്‍കോട്: സംസ്ഥാനത്ത് ആധുനിക രീതിയിലുള്ള 100 മത്സ്യ മാര്‍ക്കറ്റുകള്‍ നിര്‍മിക്കാന്‍ സംസ്ഥാന സര്‍ക്കാര്‍ ഉദ്ദേശിക്കുന്നതായി ഫിഷറീസ് വകുപ്പ് മന്ത്രി കെ. ബാബു. കാസര്‍കോട്ട് പണിയുന്ന ആധുനിക മത്സ്യമാര്‍ക്കറ്റിന്റെ ശിലാസ്ഥാപനം ശനിയാഴ്ച രാവിലെ നിര്‍വഹിച്ച് സംസാരിക്കുകയായിരുന്നു അദ്ദേഹം.

ദേശീയ ഫിഷറീസ് വകുപ്പിന്റെ അനുമതി ഇവയില്‍ 10 എണ്ണത്തിന് ലഭിച്ചതായും അദ്ദേഹം പറഞ്ഞു. ഇതിന് പുറമെ 39 മാര്‍ക്കറ്റുകളുടെ പണി ആരംഭിച്ചു. അവയില്‍ രണ്ടെണ്ണത്തിന്റെ പണി പൂര്‍ത്തിയായിട്ടുണ്ടെന്നും അദ്ദേഹം വ്യക്തമാക്കി.


50 ലക്ഷം രൂപ ചിലവില്‍ കാസര്‍കോട്ട് ഫിഷറീസ് സ്റ്റേഷന്‍ അനുവദിക്കുമെന്നും അദ്ദേഹം പറഞ്ഞു. മഞ്ചേശ്വരം ഫിഷറീസ് ഹാര്‍ബറിന് 48 കോടി രൂപ അനുവദിച്ചിട്ടുണ്ട്. വലിയപറമ്പില്‍ സംയോജിത മത്സ്യഗ്രാമം സ്ഥാപിക്കുമെന്നും മന്ത്രി വ്യക്തമാക്കി.

കാസര്‍കോടിന്റെ വികസന കാര്യത്തില്‍ എന്‍.എ നെല്ലിക്കുന്ന് എം.എല്‍.എ അതീവ താല്‍പര്യം പുലര്‍ത്തുന്നതിനെ മന്ത്രി പ്രശംസിച്ചു. വ്യക്തമായ ദിശാബോധത്തോടെയാണ് യു.ഡി.എഫ് സര്‍ക്കാര്‍ പദ്ധതികള്‍ ആവിഷ്‌കരിച്ച് നടപ്പാക്കുന്നതെന്നും മന്ത്രി പറഞ്ഞു.
Keywords : Kasaragod, Minister, MLA, Nellikunnu, Kerala, Foundation stone, K Babu, Fisheries, Fish Market, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: