ബേഡകത്ത് നിന്ന് മോഷ്ടിച്ച കാര്‍ കരിവെള്ളൂരില്‍ കണ്ടെത്തി

കാസര്‍കോട്: ബേഡകത്ത് നിന്ന് മോഷ്ടിച്ച കാറുമായി തളിപ്പറമ്പ് സ്വദേശിയെ ചന്തേര പോലീസ് പിടികൂടി.  ബേഡകം വാവടുക്കത്തെ നിസാറിന്റെ കാറാണ് പിടികൂടിയത്. കഴിഞ്ഞദിവസം പുലര്‍ചെയാണ് വീട്ടുമുറ്റത്ത് നിര്‍ത്തിയിട്ട കാര്‍ കളവുപോയത്.

സംഭവം സംബന്ധിച്ച് ബേഡകം പോലീസ് കേസെടുക്കുകയും മറ്റു പോലീസ് സ്‌റ്റേഷനിലേക്ക് വിവരം കൈമാറുകയും ചെയ്തിരുന്നു. ഇതേ തുടര്‍ന്ന് ചന്തേര പോലീസ് അന്വേഷണം നടത്തിവരുന്നതിനിടെയാണ് കാര്‍ കരിവെള്ളൂരില്‍വെച്ച് പിടികൂടിയത്. കാലിക്കടവില്‍ വാഹനപരിശോധന നടത്തുന്നതിനിടയില്‍ സംശയംതോന്നി പോലീസ് കാര്‍ നിര്‍ത്താന്‍ ആവശ്യപ്പെട്ടെങ്കിലും നിര്‍ത്താതെ ഓടിച്ചുപോവുകയായിരുന്നു. പോലീസ് പിന്തുടര്‍ന്നാണ് കരിവെള്ളൂരില്‍വെച്ച് പിടികൂടിയത്.


രാത്രിതന്നെ കാറും തളിപ്പറമ്പ് സ്വദേശിയായ യാത്രക്കാരനേയും ബേഡകം പോലീസിന് കൈമാറുകയായിരുന്നു. തളിപ്പറമ്പ് സ്വദേശിയെ പോലീസ് ചോദ്യംചെയ്തുവരികയാണ്.

Also read:
സി.പി.ഐ. മുന്‍ സംസ്ഥാന സെക്രട്ടറി വെളിയം ഭാര്‍ഗവന്‍ അന്തരിച്ചു

Keywords:  Kasaragod, Car, Robbery, Police, Arrest, Complaint, Kerala, Bedakam, Chandera, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: