സലാം ഹാജി വധം; 3 പ്രതികളെ കസ്റ്റഡിയില്‍ വിട്ടു

By Web Desk PreSep 12, 2013, 16:07 IST

ചെറുവത്തൂര്‍: ഗള്‍ഫ് വ്യാപാരി തൃക്കരിപ്പൂര്‍ വെള്ളാപ്പിലെ അബ്ദുല്‍ സലാം ഹാജിയെ കൊലപ്പെടുത്തുകയും വീട്ടില്‍ മോഷണം നടത്തുകയും ചെയ്ത സംഭവവുമായി ബന്ധപ്പെട്ട കേസിലെ മൂന്ന് പ്രതികളെ പോലീസ് കസ്റ്റഡിയില്‍ വിട്ടു.

രണ്ടാംപ്രതി തൃശൂര്‍ കുന്ദംകുളം ചിറനെല്ലൂരിലെ അസ്‌ക്കര്‍ (29), ഇയാളുടെ സഹോദരനും നാലാം പ്രതിയുമായ ശിഹാബ് (30), അഞ്ചാം പ്രതി മലപ്പുറം കണ്ടനകത്തെ അമീര്‍ (24) എന്നിവരെയാണ് ഹൊസ്ദുര്‍ഗ് ഫസ്റ്റ് ക്ലാസ് കോടതി മൂന്നു ദിവസത്തേക്ക് അന്വേഷണോദ്യോഗസ്ഥനായ നീലേശ്വരം സി.ഐ. ടി.എന്‍. സജീവന്റെ കസ്റ്റഡിയില്‍ വിട്ടുകൊടുത്തത്.

സലാം ഹാജി വധം; 3 പ്രതികളെ കസ്റ്റഡിയില്‍ വിട്ടു

Salam Haji

പ്രതികളെ കൊലപാതകവും കവര്‍ച്ചയും നടന്ന സ്ഥലങ്ങളില്‍ കൊണ്ടുപോയി തെളിവെടുപ്പ് ആരംഭിച്ചു. എട്ടംഗസംഘമാണ് ആഗസ്ത് നാലിന് രാത്രി അബ്ദുല്‍ സലാംഹാജിയെ വീട്ടില്‍ കയറി കൊലപ്പെടുത്തിയത്. കേസില്‍ കണ്ണൂര്‍ മേലെ ചൊവ്വ സ്വദേശി നിമിത്തിനെ മാത്രമാണ് ഇനി പിടികൂടാനുള്ളത്. ഇയാളെ എത്രയും പെട്ടെന്ന് കണ്ടെത്തുമെന്ന പ്രതീക്ഷയിലാണ് പോലീസ്. റിമാന്‍ഡില്‍ കഴിയുന്ന മറ്റൊരു പ്രതി നീലേശ്വരത്തെ മുഹ്‌സീന്‍ നല്‍കിയ ജാമ്യാപേക്ഷ കോടതി തള്ളിയിരുന്നു.

Related News:
സലാംഹാജി വധക്കേസിലെ മൂന്നു പ്രതികളെ കൂടി വീട്ടുകാര്‍ തിരിച്ചറിഞ്ഞു

സലാംഹാജി വധം: ഗള്‍ഫിലേക്ക് കടന്ന പ്രതി അറസ്റ്റില്‍