കുവൈത്തില്‍ മടിക്കൈ സ്വദേശിനിയായ ഉദ്യോഗസ്ഥയുടെ മരണം നാടിനെ കണ്ണീരിലാഴ്ത്തി

നീലേശ്വരം: കുവൈത്തില്‍ മടിക്കൈ സ്വദേശിനിയായ ഉദ്യോഗസ്ഥയുടെ മരണം നാടിനെ കണ്ണീരിലാഴ്ത്തി. മടിക്കൈ അമ്പലത്തറ പറളി ഹൗസിലെ സുഷമയുടെ (33) മരണം നാട്ടുകാര്‍ക്ക് വിശ്വസിക്കാന്‍ കഴിയുന്നില്ല.

ചൊവ്വാഴ്ച രാവിലെ പത്ത് മണിയോടെയാണ് സുഷമ കുവൈത്ത് സിറ്റിക്കടുത്ത ഫര്‍വാനിയില്‍ അവര്‍ താമസിക്കുന്ന കെട്ടിടത്തിന്റെ മൂന്നാം നിലയിലെ അപാര്‍ട്ട്‌മെന്റില്‍ കിടപ്പുമുറിയുടെ ജനാലവഴി പുറത്തേക്ക് ചാടി ജീവനൊടുക്കിയത്. സംഭവമറിഞ്ഞെത്തിയ കുവൈത്ത് എമര്‍ജന്‍സി മെഡിക്കല്‍ വിഭാഗം ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

കുവൈത്തിലെ ലാന്‍ഡ് മാര്‍ക്കില്‍ ജോലിചെയ്യുന്ന ഭര്‍ത്താവ് പ്രകാശനും സംഭവ സമയത്ത് വീട്ടിലുണ്ടായിരുന്നെങ്കിലും പ്രകാശന്റെ ശ്രദ്ധയില്‍പെടാതെയാണ് സുഷമ കെട്ടിടത്തില്‍ നിന്നും ചാടിമരിച്ചതെന്നാണ് സൂചന. അമേരിക്കന്‍ കമ്പനിയില്‍ ഉദ്യോഗസ്ഥയാണ് സുഷമ.

എട്ട് വര്‍ഷത്തിലധികമായി പ്രകാശനും സുഷമയും അപാര്‍ട്ട്‌മെന്റില്‍ തമാസക്കാരായിരുന്നു. മക്കളില്ലാത്തതിന്റെ മനോവിഷമം സുഷമയെ അലട്ടിയിരുന്നു. എന്നാല്‍ സുഷമ എല്ലാവരോടും സന്തോഷത്തോടെയാണ് പെരുമാറിയിരുന്നതെന്ന് സുഹൃത്തുക്കളും മറ്റും അറിയിച്ചിട്ടുണ്ട്. ജീവനൊടുക്കാന്‍ മറ്റുകാരണമൊന്നും ഇതുവരെ ലഭിച്ചിട്ടില്ല. മൃതദേഹം നാട്ടിലെത്തിക്കാനുള്ള ശ്രമം ആരംഭിച്ചിട്ടുണ്ട്.

Also read:
കുവൈത്തില്‍ മലയാളി യുവതി ഫ്ളാറ്റിന്റെ മൂന്നാംനിലയില്‍ നിന്നും ചാടി ജീവനൊടുക്കി
Keywords:  Nileshwaram, Kasaragod, Obituary, Kuwait, Kerala, Sushama, Suicide, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.