പൂഴി കടത്ത് തടയാനെത്തിയ എസ്.ഐയെ സ്ത്രീകളുള്‍പെടെയുള്ള സംഘം തടഞ്ഞു

ചെറുവത്തൂര്‍: പൂഴി കടത്ത് തടയാനെത്തിയ എസ്.ഐ. ഉള്‍പെടെയുള്ള പോലീസ് സംഘത്തെ സ്ത്രീകളുള്‍പെടെയുള്ള സംഘം തടഞ്ഞത് സംഘര്‍ഷാവസ്ഥ സൃഷ്ടിച്ചു. ചൊവ്വാഴ്ച രാത്രി പടന്ന മാച്ചിക്കാട്ടാണ് സംഭവം. മാച്ചിക്കാട്ട് പല സ്ഥലങ്ങളിലായി ശേഖരിച്ചുവെച്ചിരുന്ന പൂഴി കടത്തുന്നത് തടയാനെത്തിയ എസ്.ഐ. അടക്കമുള്ള പോലീസുകാരെ സ്ത്രീകള്‍ ഉള്‍പെടെയുള്ള 25 ഓളം പേരടങ്ങുന്ന സംഘം തടയുകയും ചീത്തവിളിച്ച് കയ്യേറ്റം ചെയ്യാന്‍ ശ്രമിക്കുകയുമായിരുന്നു.

പിന്നീട് കൂടുതല്‍ പോലീസെത്തിയാണ് രംഗം ശാന്തമാക്കിയത്. ഇതിനിടയില്‍ പൂഴിക്കടത്ത്‌സംഘം  രക്ഷപ്പെടുകയായിരുന്നു. സംഭവത്തില്‍ കണ്ടാലറിയാവുന്ന 25 ഓളം പേര്‍ക്കെതിരെ പോലീസ് കേസെടുത്തു. ഈ ഭാഗങ്ങളില്‍ വ്യാപകമായി പൂഴി കടത്തുന്നുണ്ടെന്ന വിവരത്തെ തുടര്‍ന്നാണ് നാലു ദിവസം മുമ്പ് ചന്തേര എസ്.ഐയായി ചുമതലയേറ്റ പി.ആര്‍. മനോജിന്റെ നേതൃത്വത്തിലുള്ള സംഘമെത്തിയത്.

Keywords:  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: