മഞ്ചേശ്വരം സ്റ്റേഷനില്‍ കസ്റ്റഡിയിലായിരുന്ന പ്രതികള്‍ രക്ഷപ്പെട്ടു

മഞ്ചേശ്വരം: മഞ്ചേശ്വരം പോലീസിന്റെ കസ്റ്റഡിയിലായിരുന്ന രണ്ടു പ്രതികള്‍ രക്ഷപ്പെട്ടു. ഉപ്പള പച്ചിലംപാറയിലെ മുനീര്‍[22], സഹോദരന്‍ ജുനൈദ്[21] എന്നിവരാണ് രക്ഷപ്പെട്ടത്. ഞായറാഴ്ച രാത്രി എട്ടുമണിയോടെയാണ് സംഭവം. യുവമോര്‍ച്ചാ ജില്ലാ പ്രസിഡന്റ് വിജയകുമാര്‍ റായിയുടെ കാര്‍ തകര്‍ത്ത സംഭവവുമായി ബന്ധപ്പെട്ട് പോലീസ് കസ്റ്റഡിയിലെടുത്ത പ്രതികളായിരുന്നു ഇവര്‍.

അക്രമത്തിലെ പ്രതികള്‍ ഇവര്‍ തന്നെയാണോ എന്ന് ഉറപ്പിക്കുന്നതിനായി സാക്ഷികളെ സ്റ്റേഷനിലേക്ക് വിളിപ്പിച്ചിരുന്നു. എന്നാല്‍ വൈകുന്നേരമായിട്ടും പ്രതികളെ തിരിച്ചറിയാന്‍ ആരും എത്താത്തതുകൊണ്ട് പോലീസുകാര്‍ പ്രതികളെ ശ്രദ്ധിച്ചിരുന്നില്ല. പോലീസ് സ്‌റ്റേഷനില്‍ പെയിന്റിംഗ് ജോലി ചെയ്യുന്നതിനാല്‍ പെയിന്റിന്റെ മണം പിടിക്കാത്തതുകൊണ്ട് പ്രതികളെ പുറത്തു നിര്‍ത്തിയിരിക്കയായിരുന്നു. എന്നാല്‍ രാത്രി എട്ടുമണിയായപ്പോള്‍
ഡ്യൂട്ടിയിലുണ്ടായിരുന്ന പോലീസുകാരനെ തട്ടിമാറ്റി പ്രതികള്‍ ഓടിരക്ഷപ്പെടുകയായിരുന്നു.

പ്രതികള്‍ രക്ഷപ്പെട്ടതിനുശേഷമാണ് ഇവരെ കുറിച്ചുള്ള കൂടുതല്‍ വിവരങ്ങള്‍ പോലീസിനു ലഭിച്ചത്. ഒരു മാസം മുമ്പ് ഉപ്പളയില്‍ നടന്ന സംഘര്‍ഷത്തിലും ഇവര്‍ പ്രധാന പ്രതികളാണ് . രക്ഷപ്പെട്ട പ്രതികളെ കുറിച്ച് ഊര്‍ജിതമായ അന്വേഷണം നടത്തുന്നതായി പോലീസ് പറഞ്ഞു. പ്രതികളുടെ ലോക്കപ്പ് ചാട്ടത്തെ കുറിച്ച് രഹസ്യാന്വേഷണ വിഭാഗത്തിന് റിപോര്‍ട്ട് നല്‍കിയിട്ടുണ്ട്. പ്രതികള്‍ രക്ഷപ്പെടാനിടയുണ്ടായ സാഹചര്യത്തെ കുറിച്ചും വിശദമായ അന്വേഷണം നടത്തുമെന്നും പോലീസ് പറഞ്ഞു.

Also Read:
സോണിയ ഗാന്ധിയുടെ ശബ്ദം അനുകരിച്ച് ഫോണ്‍കോള്‍: പോലീസ് അന്വേഷണം തുടങ്ങി

Keywords:  Manjeshwaram, Police-station, Custody, Uppala, Brothers, Yuvamorcha, president, Police, Report, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: