ബേവിഞ്ച അപകടവളവില്‍ ബസും മീന്‍ ലോറിയും കൂട്ടിയിടിച്ച് 7 പേര്‍ക്ക് പരിക്ക്

ചെര്‍ക്കള: ബേവിഞ്ചയില്‍ ബസും മീന്‍ ലോറിയും കൂട്ടിയിടിച്ച് ഏഴ് പേര്‍ക്ക് പരിക്ക്. തെക്കില്‍ വളവിലാണ് വീണ്ടും അപകടമുണ്ടായിരിക്കുന്നത്. തിങ്കളാഴ്ച രാവിലെ സ്വകാര്യ ബസും മീന്‍ലോറിയും കൂട്ടിയിടിച്ചാണ് ഏഴുപേര്‍ക്ക് പരിക്കേറ്റത്.

ജെറിന്‍ കുറ്റിക്കോല്‍ (26), സരോജിനി (28) മാനടുക്കം, സുകന്യ (32), ബറോട്ടി നാരായണി (36) മാനടുക്കം, സജിന (22) അഞ്ചാംമൈല്‍, ബാലകൃഷ്ണന്‍ (46) കുണ്ടംകുഴി, മണി (26) എന്നിവരെ ചെങ്കള സഹകരണാശുപത്രിയില്‍ പ്രവേശിപ്പിച്ചു.

ബന്തടുക്കയില്‍ നിന്നും കാസര്‍കോട്ടേക്ക് വരികയായിരുന്ന സ്വകാര്യബസും എതിരെ വരികയായിരുന്ന മീന്‍ ലോറിമാണ് കൂട്ടിയിടിച്ചത്. ബേവിഞ്ചയില്‍ അപകടങ്ങള്‍ തടയാന്‍ സൂചനാ ബോര്‍ഡുകളും ഹമ്പുകളും റോഡില്‍ സ്ഥാപിച്ചിട്ടുണ്ടെങ്കിലും ഇതുകൊണ്ട് അപകടങ്ങള്‍ക്ക് കുറവുണ്ടാകുന്നില്ലെന്നാണ് നാട്ടുകാരുടെ ആക്ഷേപം.


Keywords:  Cherkala, Bevinja, Kerala, Accident, Injured, Hospital, Fish Lorry, Bus, Passenger, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.