സ്ത്രീയും കുട്ടിയുമടങ്ങുന്ന ആറംഗ ജമ്മു സ്വദേശികള്‍ ഹൊസങ്കടിയില്‍ പിടിയില്‍

മഞ്ചേശ്വരം: ഹൊസങ്കടിയിലെ ലോഡ്ജില്‍ നിന്ന് ആറ് ജമ്മു കാശ്മീര്‍ സ്വദേശികളെ മഞ്ചേശ്വരം പോലീസ് പിടികൂടി. തിങ്കളാഴ്ച ഉച്ചയ്ക്ക് 12 മണിയോടെയാണ് നാല് യുവാക്കളും ഒരു സ്ത്രീയും, ഒരു കുട്ടിയുമടങ്ങുന്ന സംഘത്തെ പോലീസ് കസ്റ്റഡിയിലെടുത്തത്. ഞായറാഴ്ച രാത്രിയിലാണ് ഇവര്‍ ഹൊസങ്കടിയിലെ ലോഡ്ജില്‍ മുറിയെടുത്തത്.

ഇവരെ കസ്റ്റഡിയിലെടുത്ത പോലീസ് കൂടുതല്‍ ചോദ്യം ചെയ്യാനായി കുമ്പള സി.ഐ ഓഫീസിലെത്തിച്ചിട്ടുണ്ട്. രഹസ്യ വിവരത്തിന്റെ അടിസ്ഥാനത്തിലാണ് പോലീസ് ലോഡ്ജിലെത്തിയത്.

ഇവര്‍ എങ്ങനെയാണ് ഹൊസങ്കടിയില്‍ എത്തിയതെന്നും എന്താണ് ലക്ഷ്യമെന്നും പോലീസ് അന്വേഷിക്കുന്നു. തങ്ങള്‍ ഭിക്ഷാടനത്തിന് വന്നതാണെന്നാണ് ഇവര്‍ പോലീസിനോട് പറഞ്ഞത്.

കൂടുതല്‍ ചോദ്യം ചെയ്താല്‍ മാത്രമേ നിജസ്ഥിതി മനസിലാവുകയുള്ളൂ എന്ന് പോലീസ് വ്യക്തമാക്കി.  ഇവര്‍ മൂന്നു മാസത്തോളമായി ഉള്ളാളില്‍ താമസിച്ച് വന്നിരുന്നതായി പോലീസിന് വിവരം ലഭിച്ചിട്ടുണ്ട്.

കൂടെയുണ്ടായിരുന്ന യുവാക്കളില്‍ രണ്ടുപേര്‍ തന്റെ സഹോദരന്‍മാരാണെന്നും ഭര്‍ത്താവ് മുംബൈ ബാന്ദ്ര സ്വദേശിയാണെന്നും യുവതി പോലീസിനോട് പറഞ്ഞു. മറ്റു യുവാക്കള്‍ ആരാണെന്ന ചോദ്യത്തിന് മറുപടി നല്‍കിയിട്ടില്ല. യുവാക്കള്‍ക്കെല്ലാം 25 വയസ് തോന്നിക്കുന്നുണ്ട്.
Also Read: 
ഇന്ത്യയില്‍ ഓരോ മണിക്കൂറിലും സ്ത്രീധന പീഡന മരണം നടക്കുന്നു: റിപോര്‍ട്ട്
Keywords:  Manjeshwaram, Women, Child, Lodge, Police, custody, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.