കളവു ചെയ്ത ബൈക്കുമായി ഹോട്ടല്‍ മാനേജ്‌മെന്റ് വിദ്യാര്‍ത്ഥി അറസ്റ്റില്‍

By Web Desk PreAug 8, 2013, 14:38 IST

കാസര്‍കോട്: കളവു ചെയ്ത ബൈക്കുമായി ഹോട്ടല്‍ മാനേജ്‌മെന്റ് വിദ്യാര്‍ത്ഥി അറസ്റ്റിലായി. പാറക്കട്ടയിലെ എസ്.സന്തോഷിനെയാണ്(20) കാസര്‍കോട് ടൗണ്‍ പോലീസ് അറസ്റ്റ് ചെയ്തത്.

Santhosh

ബുധനാഴ്ച വൈകിട്ട് നാലുമണിയോടെ കറന്തക്കാട് വെച്ച് പട്രോളിംഗ് നടത്തുന്നതിനിടയിലാണ് ബൈക്കില്‍ സഞ്ചരിക്കുകയായിരുന്ന സന്തോഷിനെ പിടികൂടിയത്. ബൈക്കിന്റെ മുന്‍ ഭാഗത്ത് നമ്പര്‍ പ്ലേറ്റ് ഇല്ലാത്തതിനാലാണ് ബൈക്ക് പോലീസ് പിടികൂടിയത്.

പരസ്പര വിരുദ്ധമായ മറുപടി ലഭിച്ചതോടെ യുവാവിനെ പോലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് ബൈക്ക് കവര്‍ച്ച ചെയ്തതാണെന്ന് വ്യക്തമായത്. തുരുത്തിയിലെ അബ്ദുല്ലയുടെ മകന്‍ ഷാഫിയുടെ കെ.എല്‍. 60 എ. 7697 നമ്പര്‍ ബൈക്കാണ് രണ്ടു മാസം മുമ്പ് കാസര്‍കോട് റെയില്‍വേ സ്‌റ്റേഷനു മുന്നില്‍ വെച്ച് കവര്‍ച്ച ചെയ്തത്.

2013 ജൂണ്‍ 13 ന് ആണ് ഷാഫിയുടെ ബൈക്ക് കവര്‍ന്നത്. ബൈക്ക് കാണാതായതുമായി ബന്ധപ്പെട്ട് ഷാഫിയുടെ പരാതിയില്‍ പോലീസ് കേസെടുത്തിരുന്നു.

മംഗലാപുരത്തെ ഹോട്ടല്‍ മാനേജ്‌മെന്റ് മൂന്നാം വര്‍ഷ വിദ്യാര്‍ത്ഥിയാണ് സന്തോഷ്. ബൈക്ക് ഹരമായതിനാലാണ് മോഷ്ടിച്ചതെന്നാണ് യുവാവ് പോലീസിന് മൊഴി നല്‍കിയത്.

Also Read:

20 വര്‍ഷത്തിനിടെ രാജ്യത്ത് സസ്‌പെന്‍ഡ് ചെയ്യപ്പെട്ടത് 200 IAS ഉദ്യോഗസ്ഥരെ

Keywords: Kasaragod, Bike-Robbery, Youth, Arrest, Police, Student, Mangalore, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.