ഉറങ്ങിക്കിടന്ന യുവതിയെ വെട്ടിക്കൊല്ലാന്‍ ശ്രമിച്ച ഭര്‍ത്താവിനെതിരെ കേസ്

കുമ്പള: വീട്ടില്‍ കുഞ്ഞിനോടൊപ്പം ഉറങ്ങിക്കിടക്കുകയായിരുന്ന യുവതിയെ തലയ്ക്ക് വെട്ടിപ്പരിക്കേല്‍പിച്ച സംഭവത്തില്‍ യുവതിയുടെ ഭര്‍ത്താവിനെതിരെ കുമ്പള പോലീസ് വധശ്രമത്തിന് കേസെടുത്തു. പച്ചമ്പളത്തെ ക്വാര്‍ട്ടേഴ്‌സില്‍ താമസിക്കുന്ന ഹസീന(26) യുടെ പരാതിയില്‍ ഭര്‍ത്താവ് നാസറിനെതിരെയാണ് കേസ്. അക്രമത്തിനുശേഷം ഇയാള്‍ ഒളിവിലാണ്. ഞായറാഴ്ച പുലര്‍ച്ചെയാണ് അക്രമമുണ്ടായത്.

നോമ്പ് ആരംഭിക്കുന്നതിനു മുമ്പ് അത്താഴം കഴിച്ച് ഇളയമകള്‍ ആഇശത്ത് മിസ്രിയക്കൊപ്പം ഉറങ്ങാന്‍ കിടന്നതായിരുന്നു ഹസീന. അതിനിടെ ഭര്‍ത്താവ് നിസാര്‍ വാക്കത്തി എടുത്ത് ഹസീനയുടെ തലയുടെ ഇടതുഭാഗത്ത് വെട്ടിപ്പരിക്കേല്‍പിച്ചശേഷം സ്ഥലം വിടുകയായിരുന്നു. ഗുരുതരമായി പരിക്കേറ്റ ഹസീനയെ നാട്ടുകാരാണ് ആശുപത്രിയിലെത്തിച്ചത്.


Also Read: 
വെള്ളപ്പൊക്കം: മഹാരാഷ്ട്രയില്‍ മന്ത്രിക്ക് ഗ്രാമവാസികളുടെ കല്ലേറ്