സെന്‍ട്രിംഗ് തൊഴിലാളിയെ കുത്തിയ സംഭവം: നാലുപേര്‍ക്കെതിരെ വധശ്രമത്തിന് കേസ്

കാസര്‍കോട്: ഉളിയത്തടുക്ക എസ്.പി. നഗറില്‍ സെന്‍ട്രിംഗ് തൊഴിലാളിയെ കുത്തിപ്പിരിക്കേല്‍പിച്ച സംഭവത്തില്‍ നാലുപേര്‍ക്കെതിരെ വധശ്രമത്തിന് ടൗണ്‍ പോലീസ് കേസെടുത്തു. മധൂര്‍ ലക്ഷംവീട് കോളനിയിലെ സുരേഷിന്റെ മകന്‍ വിജേഷി(17)നെ കുത്തിയ സംഭവത്തില്‍ അഷ്ഫാഖ്, ഫൈസല്‍, മൊയ്തു, ഖാദര്‍ എന്നിവര്‍ക്കെതിരെയാണ് കേസ്.

ശനിയാഴ്ച വൈകിട്ട് ആറുമണിയോടെ ജോലി കഴിഞ്ഞ്
വീട്ടിലേക്ക് നടന്നുപോവുമ്പോഴാണ് വിജേഷിന് നേരെ അക്രമം ഉണ്ടായത്. യാതൊരു പ്രകോപനവും ഇല്ലാതെയായിരുന്നു അക്രമം. മംഗലാപുരത്തെ സ്വകാര്യാശുപത്രിയില്‍ കഴിയുന്ന വിജേഷിനെ ശനിയാഴ്ച രാത്രി ശസ്ത്രക്രിയയ്ക്ക് വിധേയനാക്കിയതായും ഇപ്പോള്‍ അപകടനില തരണം ചെയ്തതായും ചികിത്സിക്കുന്ന ഡോക്ടര്‍ രഞ്ജിത്ത് ഷെട്ടി പറഞ്ഞു.

അക്രമവുമായി ബന്ധപ്പെട്ട് ഏഴ് പേര്‍ പോലീസ് കസ്റ്റഡിയിലാണ്. അവരെ ടൗണ്‍ സ്‌റ്റേഷനില്‍ വിശദമായി ചോദ്യം ചെയ്ത് വരികയാണ്.

Related News: 
ഉളിയത്തടുക്കയില്‍ യുവാവിന് കുത്തേറ്റു

Also Read:
ഇറാഖില്‍ സ്‌ഫോടനത്തില്‍ 91 പേര്‍ കൊല്ലപ്പെട്ടു

Keywords:  Kasaragod, Uliyathaduka, Youth, Stabbed, hospital, Police, case, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.