കട്ടിള ദേഹത്ത് വീണ് നാലാം ക്ലാസ് വിദ്യാര്‍ത്ഥി മരിച്ചു

ബദിയഡുക്ക: പുതുതായി പണിയുന്ന വീടിനു വേണ്ടി കൊണ്ടുവെച്ച കട്ടിള ദേഹത്തുവീണ് എട്ടുവയസുകാരനായ വിദ്യാര്‍ത്ഥി മരിച്ചു. നെക്രാജെ പൂക്കായിലെ നെക്കര ഹസന്‍ കുഞ്ഞിയുടെ മകനും മാവിനങ്കട്ട പി.ബി.എം.  ഇംഗ്ലീഷ് മീഡിയം സ്‌കൂളിലെ നാലാംതരം വിദ്യാര്‍ത്ഥിയുമായ ഫഹദ് ആണ് മരിച്ചത്. വ്യാഴാഴ്ച വൈകിട്ടാണ് സംഭവം.

മുറ്റത്ത് ചാരിവെച്ച കട്ടിളക്കടുത്ത് മറ്റ് കുട്ടികള്‍ക്കൊപ്പം കളിക്കുന്നതിനിടയില്‍ കട്ടിള മറിഞ്ഞ് ഫഹദിന്റെ ദേഹത്ത് വീഴുകയായിരുന്നു. സംഭവ സ്ഥലത്തുവെച്ചു തന്നെ കുട്ടി മരണപ്പെട്ടു.

സ്‌കൂളില്‍ സ്വാതന്ത്ര്യ ദിനാഘോഷ പരിപാടികളില്‍ പങ്കെടുത്ത് ഉച്ചയോടെ വീട്ടിലെത്തിയതായിരുന്നു ഫഹദ്. നാട് സ്വാതന്ത്ര്യ ദിനം ആഘോഷക്കുന്നതിനിടയുണ്ടായ ദുരന്തം നാടിനെ കണ്ണീരിലാഴ്ത്തി. താഹിറയാണ് മാതാവ്. സഹോദരങ്ങള്‍: സെയ്‌ഫുദ്ദീന്‍, അബ്ദുല്‍ ഖാദര്‍, ഷംസീറ.

Also read:
ജുഡീഷ്യല്‍ അന്വേഷണം; തിരുവഞ്ചൂരുമായി ഫോണില്‍ സംസാരിച്ചിട്ടില്ലെന്ന് പിണറായി

Keywords:  Obituary, Student, Badiyadukka, Kasaragod, Kerala, Independence Day,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.