പെരുന്നാള്‍ ആഘോഷിക്കാന്‍ വീടുപൂട്ടിപോകുന്നവര്‍ മോഷ്ടാക്കളെ സൂക്ഷിക്കുക

കാസര്‍കോട്: പെരുന്നാള്‍ ആഘോഷിക്കാന്‍ വീടുപൂട്ടി പുറത്തുപോകുന്നവര്‍ മോഷ്ടാക്കളെ ശ്രദ്ധിക്കണമെന്ന് പോലീസ് അറിയിച്ചു. വീടുപൂട്ടി പോകുന്നത് നിരീക്ഷിച്ച് കവര്‍ച നടത്തുന്ന സംഘം ജില്ലയില്‍ സജീവമായിരിക്കുകയാണ്. ബീച്ചിലും, ബന്ധു വീടുകളിലും പോകുന്നവര്‍ ആഭരണങ്ങളും പണവും വിലപിടിപ്പുള്ള സാധനങ്ങളും സുരക്ഷിത സ്ഥാനത്തേക്ക് മാറ്റണമെന്നാണ് പോലീസ് ആവശ്യപ്പെടുന്നത്.

ഇതിന് മുമ്പ് ഇത്തരത്തില്‍ പെരുന്നാളിനും മറ്റു ആഘോഷങ്ങള്‍ക്കും ചടങ്ങുകള്‍ക്കും പോകുമ്പോള്‍ കവര്‍ച നടന്ന സംഭവം പോലീസ് ചൂണ്ടിക്കാട്ടുന്നു. വീടുപൂട്ടി പോകുമ്പോള്‍ അയല്‍വാസികളെയും പോലീസിനെയും അറിയിക്കണമെന്നും പോലീസിന്റെ നിരീക്ഷണം ലഭിക്കുന്നതിനാല്‍ വീട്ടില്‍ കവര്‍ചയ്ക്കുള്ള സാധ്യത കുറയുമെന്നും പോലീസ് ഉദ്യോഗസ്ഥര്‍ വ്യക്തമാക്കുന്നു.
Keywords : House-robbery, Police, Kerala, Kasaragod, Eid, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.