വിദ്യാനഗറില്‍ വാഹനാപകടം: കാറിനടിയില്‍പെട്ട് യുവാവ് മരിച്ചു

കാസര്‍കോട്: വിദ്യാനഗര്‍ വാട്ടര്‍ അതോറിറ്റി ഓഫീസിന് മുന്‍വശം ദേശീയ പാതയില്‍ വാഹനാപകടം. കാറിനടിയില്‍പെട്ട ബൈക്ക് യാത്രക്കാരായ യുവാവ് മരിച്ചു. സുഹൃത്തിന് ഗുരുതരമായി പരിക്കേറ്റു. രാത്രി 10.15ഓടെയാണ് ദാരുണമായ അപകടം.

ചാല പള്ളിക്ക് സമീപത്തെ ഇസ്മാഈലിന്റെ മകന്‍ സവാദ്(20)ആണ് മരിച്ചത്. ചാലയിലെ സുലൈമാന്റെ മകന്‍ സുഹൈലിനാണ്(22) പരിക്കേറ്റത്.

കാസര്‍കോട് ബിഗ്ബസാര്‍ ബില്‍ഡിംഗില്‍ പ്രവര്‍ത്തിക്കുന്ന സുറി വസ്ത്രാലയത്തിലെ ജീവനക്കാരനാണ് സവാദ്. ജോലി കഴിഞ്ഞ് സുഹൃത്ത് സുഹൈലുമൊത്ത് കാസര്‍കോട് നിന്നും ചാലയിലേക്ക് പോകുംവഴി ഇവര്‍ സഞ്ചരിച്ച കെ.എല്‍.14 കെ. 6895 നമ്പര്‍ ഏവിയേറ്റര്‍ സ്‌കൂട്ടര്‍ നിയന്ത്രണം വിട്ട് എതിരെ വന്ന കെ.എല്‍.14 എം. 7 നമ്പര്‍ സ്വിഫ്റ്റ് കാറിനടിയില്‍പെടുകയായിരുന്നു. ഗുരുതരമായി പരിക്കേറ്റ ഇരുവരെയും കാസര്‍കോട്ടെ സ്വകാര്യആശുപത്രിയില്‍ പ്രവേശിപ്പിച്ചെങ്കിലും പിന്നീട് ഇരുവരെയും മംഗലാപുരം സ്വകാര്യ ആശുപത്രിയിലേക്ക് കൊണ്ടുപോകുകയായിരുന്നു. മംഗലാപുരത്തേക്കുള്ള യാത്രാ മധ്യേയാണ് സവാദ് മരിച്ചത്.

Sawad

ഓടിക്കൂടിയ നാട്ടുകാരും ഫ്‌ലൈയിംഗ് സ്‌കാര്‍ഡുമാണ് ഇരുവരെയും ആശുപത്രിയില്‍ എത്തിച്ചത്. വിവരമറിഞ്ഞ് വിദ്യാനഗര്‍ പോലീസ് സ്ഥലത്തെത്തി. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ സൂക്ഷിക്കും.

Keywords: Kasaragod, Accident, Vidya Nagar, Car, Bike, Kerala, Obituary, Savad Chala, Swift Car, Manglore,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.