സാബിത്ത് വധക്കേസില്‍ മുഖ്യ പ്രതികളെ സാക്ഷി തിരിച്ചറിഞ്ഞു

കാസര്‍കോട്: മീപ്പുഗുരിയിലെ സാബിത്തിനെ (18) കുത്തി കൊലപ്പെടുത്തിയ കേസില്‍ സാക്ഷി മുഖ്യ പ്രതികളായ രണ്ടു പേരെയും തിരിച്ചറിഞ്ഞു. ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റിന്റെ സാന്നിദ്ധ്യത്തില്‍ കാസര്‍കോട് സബ് ജയിലിലാണ് തിരിച്ചറിയല്‍ പരേഡ് നടന്നത്. സംഭവം നടക്കുമ്പോള്‍ സാബിത്തിന്റെ കൂടെയുണ്ടായ സുഹൃത്ത് റഈസാണ് പ്രതികളെ തിരിച്ചറിഞ്ഞത്.

Akshay

സംഭവത്തിനു ശേഷം അണങ്കൂര്‍ ജെ.പി കോളനിയിലെ കെ. അക്ഷയ് (21) യെയും കണ്ടാലറിയാവുന്ന ആറു പേരെയും ഉള്‍പെടുത്തിയാണ് റഈസിന്റെ മൊഴിയുടെ അടിസ്ഥാനത്തില്‍ പോലീസ് എഫ്.ഐ.ആര്‍ രജിസ്റ്റര്‍ ചെയ്തത്. കൊലയ്ക്കായി അക്ഷയ്‌ക്കൊപ്പമുണ്ടായിരുന്ന കാളിയങ്കാട് കോളനിയിലെ കെ.എന്‍ വൈശാഖി (19) നെയും സാക്ഷി തിരിച്ചറിഞ്ഞു.

കാസര്‍കോട് ഡി.വൈ.എസ്.പി മോഹന ചന്ദ്രന്‍, സി.ഐ സി.കെ സുനില്‍ കുമാര്‍, എസ്.ഐ ടി. ഉത്തംദാസ് എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്. കഴിഞ്ഞ ദിവസം കസ്റ്റഡിയില്‍ വാങ്ങിയ പ്രതികളെ കാഞ്ഞങ്ങാട്ടും കൊന്നക്കാട്ടും മറ്റും എത്തിച്ച് തെളിവെടുപ്പ് പൂര്‍ത്തിയാക്കിയ ശേഷം വീണ്ടും കോടതിയില്‍ ഹാജരാക്കി റിമാന്‍ഡ് ചെയ്തു.

Vaishakh

മുഖ്യപ്രതികളെ കൂടാതെ ഇവര്‍ക്ക് സഹായം ചെയ്തുകൊടുത്ത 17 കാരനുള്‍പെടെ മൂന്നു പേരെയും പോലീസ് അറസ്റ്റ് ചെയ്തിട്ടുണ്ട്. ഇതില്‍ 17 കാരനൊഴികെ ബാക്കിയെല്ലാവരും റിമാന്‍ഡിലാണ്. പ്രതികള്‍ക്ക് രക്ഷപ്പെടാന്‍ സഹായം ചെയ്തു കൊടുത്ത രണ്ടു പേരെകൂടി അറസ്റ്റ് ചെയ്യാനുണ്ട്. ഇവര്‍ രക്ഷപ്പെടാന്‍ ഉപയോഗിച്ച രണ്ടു കാറുകളും കണ്ടെത്താനുണ്ട്.

Also Read:
ഇറ്റലിയില്‍ ബസ് കൊക്കയിലേക്ക് മറിഞ്ഞ് 37 മരണം

Keywords:  Accuse, Murder, Murder-case, Jail, Anangoor, Kasragod, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.