പൂട്ടിയിട്ട വീട്ടില്‍ നിന്ന് പത്തുപവന്‍ കവര്‍ച്ച: 3 പേര്‍ അറസ്റ്റില്‍

ബദിയടുക്ക: പൂട്ടിയിട്ട വീട്ടില്‍ നിന്ന് പത്തുപവന്‍ സ്വര്‍ണാഭരണം കവര്‍ന്ന കേസില്‍ മൂന്നുപേരെ ബദിയടുക്ക പൊലീസ് അറസ്റ്റു ചെയ്തു. ബദിയടുക്ക ഗോളിയാടിയിലെ കെ പി ഷാഹുല്‍ ഹമീദ് എന്ന ഷാഫി (40), നെക്രാജെ ആര്‍ഥി പള്ളത്തെ അനില്‍കുമാര്‍ (29), പെര്‍ഡാല പൊയ്യക്കണ്ടത്തെ സന്തോഷ്‌കുമാര്‍ എന്ന സന്തു (30) എന്നിവരെയാണ് ശനിയാഴ്ച രാവിലെ ബദിയടുക്ക ടൗണില്‍ നിന്ന് എസ്‌ഐ എം ലക്ഷ്മണന്‍ സംഘവും അറസ്റ്റുചെയ്തത്.

ബദിയടുക്ക ഒള്ളമലയിലെ രഘുനാഥയുടെ വീട്ടില്‍ നിന്നാണ് കഴിഞ്ഞ അഞ്ചിന് പ്രതികള്‍ സ്വര്‍ണാഭരണങ്ങള്‍ കവര്‍ന്നത്. അന്വേഷണ സംഘത്തില്‍ സിവില്‍ ഓഫീസര്‍മാരായ സുനില്‍ അബ്രഹാം, ബാലകൃഷ്ണന്‍, അബുബക്കര്‍, ശിവന്‍, മോഹനന്‍, ഗോപാലകൃഷ്ണന്‍ എന്നിവരുണ്ടായിരുന്നു.