ചട്ടഞ്ചാലിലെ കൊല: സുഹൃത്ത് അറസ്റ്റില്‍

Navas

കാസര്‍കോട്: ചട്ടഞ്ചാല്‍ എം.ഐ.സി കോളജിന് സമീപം യുവാവിനെ മദ്യം നല്‍കി കഴുത്ത് മുറുക്കി കൊലപ്പെടുത്തിയ സംഭവത്തില്‍ സുഹൃത്തിനെ പോലീസ് അറസ്റ്റ് ചെയ്തു. ചട്ടഞ്ചാല്‍ പുത്തിരിയടുക്കത്തെ കൃഷ്ണനെ (28) കൊലപ്പെടുത്തിയ സംഭവത്തില്‍ പ്രതി ചട്ടഞ്ചാല്‍ കെട്ടിനുള്ളിലെ നവാസിനെ (28) യാണ് കേസന്വേഷിക്കുന്ന കാസര്‍കോട് സി.ഐ. സി.കെ സുനില്‍കുമാര്‍, എസ്.ഐ. ഉത്തംദാസ് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.

Krishnan

പ്രതിയെ വെള്ളിയാഴ്ച ഉച്ചയോടെ കാസര്‍കോട് ജനറല്‍ ആശുപത്രിയില്‍ വൈദ്യപരിശോധന നടത്തി വൈകിട്ടോടെ കോടതിയില്‍ ഹാജരാക്കും. 50,000 രൂപ കടം നല്‍കിയത് തിരിച്ചു നല്‍കാത്തിലുള്ള വിരോധം മൂലമാണ് കൊല നടത്തിയതെന്ന് പ്രതി സമ്മതിച്ചതായി അന്വേഷണ ഉദ്യോഗസ്ഥനായ സി.ഐ. പറഞ്ഞു. കൊല നടത്തിയ ശേഷം സ്ഥലം വിട്ട നവാസിനെ കോളിയടുക്കത്ത് വെച്ചാണ് പോലീസ് പിടികൂടിയത്.

ചട്ടഞ്ചാലില്‍ യുവാവിനെ കൊലപ്പെടുത്തിയ നിലയില്‍ കണ്ടെത്തി