ബൈക്കില്‍ പോവുകയായിരുന്ന കൊലക്കേസ് പ്രതിക്ക് കുത്തേറ്റ് ഗുരുതരം

കാസര്‍കോട്: ബൈക്കില്‍ പോവുകയായിരുന്ന കൊലക്കേസ് പ്രതിക്ക് കുത്തേറ്റ് ഗുരുതരമായി പരിക്കേറ്റു. കാസര്‍കോട് ജെ.പി. കോളനിയിലെ ജ്യോതിഷിനാണ് (26) കുത്തേറ്റത്. ചൊവ്വാ­ഴ്­ച സന്ധ്യയ്ക്ക് ഏഴ് മണിയോടെ ചെങ്കള നാലാം മൈലില്‍വെച്ചാണ് സംഭവം.

വയറിനും താടിക്കും കുത്തേറ്റ് വീണ ജ്യോതിഷിനെ സംഭവമറിഞ്ഞെത്തിയ വിദ്യാനഗര്‍ പോലീസാണ് കാസര്‍കോട് കെയര്‍വെല്‍ ആശുപത്രിയില്‍ എത്തിച്ച­ത്. രക്തം വാര്‍ന്നുപോയ ജ്യോതിഷിന്റെ നില ഗുരുതരാവസ്ഥയിലാണുള്ളത്. പിന്നീട് യുവാവിനെ മംഗലാപുരം ആശുപത്രിയിലേക്ക് മാറ്റി.

ബൈക്കില്‍ സുഹൃത്തിനുമൊത്ത് സഞ്ചരിക്കുമ്പോള്‍ കാറിലെത്തിയ ഒരുസംഘമാണ് ബൈക്ക് തടഞ്ഞ് ആക്രമിച്ചതെന്നാണ് പോലീസിന് ലഭിച്ചിരിക്കുന്ന വിവരം. സുഹൃത്താണ് വിവരം പോലീസില്‍ അറിയിച്ചത്.

വിവിരമറിഞ്ഞ് ഉന്നതപോലീസ് ഉദ്യോഗസ്ഥര്‍ സംഭവസ്ഥലത്ത് എത്തിയിരുന്നു.