എ.എസ്. മുഹമ്മദ് കുഞ്ഞി
Oct 30, 2012, 09:30 IST
ഭരണഭാഷാവാരാഘോഷത്തിന്റെ ഭാഗമായി കേരളപ്പിറവി ദിനത്തില്‍ ജില്ലാ ഭരണകൂടം ആദരിക്കുന്ന എ.എസ്. മുഹമ്മദ്കുഞ്ഞി പ്രശസ്തനായ എഴുത്തുകാരനും, കാസര്‍കോട്ടെ സാമൂഹ്യ, സാംസ്കാരിക മേഖലകളിലെ സജീവ സാന്നിധ്യവുമാണ്.
ശ്രീബാഗിലിലെ എ.എം. അബ്ദുല്ലയുടേയും മറിയുമ്മയുടേയും മകനായി ജനിച്ചു. പട്‌ല സീനിയര്‍ ബേസിക് സ്‌കൂള്‍, കാസര്‍കോട് ഗവ. ഹൈസ്‌കൂള്‍, ഗവ. കോളേജ് കാസര്‍കോട് എന്നിവിടങ്ങളില്‍ പഠിച്ചു. ഡിഗ്രി കഴിഞ്ഞ് ഹ്രസ്വകാലം ചന്ദ്രികാ പത്രത്തില്‍ കാസര്‍കോട് ലേഖകനായി പ്രവര്‍ത്തിച്ചു. തുടര്‍ന്ന് മുംബൈയിലും, സൗദി അറേബ്യയിലുമായി ജോലി ചെയ്തു. 1990ന് ശേഷം ട്രാവല്‍ മേഖലയില്‍ സ്വന്തം സംരംഭവുമായി കാസര്‍കോട്ട് പ്രവര്‍ത്തിക്കുന്നു. 1995-2000 കാലഘട്ടത്തില്‍ മധൂര്‍ ഗ്രാമ പഞ്ചായത്തില്‍ സ്വന്തം ഗ്രാമത്തെ പ്രതിനിധീകരിച്ച് മെമ്പറായി പ്രവര്‍ത്തിച്ചു. 1996 മുതല്‍ 2006 വരെ കാസര്‍കോട് സാഹിത്യവേദിയുടെ കാര്യദര്‍ശിയായിരുന്നു. ഇപ്പോള്‍ പ്രവര്‍ത്തകസമിതി അംഗം. കാസര്‍കോട് ഗവ. ഹയര്‍ സെക്കണ്ടറി സ്‌കൂള്‍ പി.ടി.എ.യുടെയും പൂര്‍വ്വ വിദ്യാര്‍ത്ഥി സംഘടനയുടെയും പ്രസിഡന്റായി പ്രവര്‍ത്തിച്ചു വരുന്നു.
പിതാവ് പ്രശസ്തനായ മാപ്പിളപ്പാട്ട് ഗായകനായിരുന്നു. പരിസരപ്രദേശങ്ങളില്‍ വിവാഹച്ചടങ്ങുകളില്‍ ബദര്‍ പാട്ട് പാടാന്‍ പോകുന്ന ഉപ്പയുടെ കൂടെ പോയി പാട്ട് കേട്ട് വളര്‍ന്ന മുഹമ്മദ്കുഞ്ഞി ചിത്രം വരയിലൂടെയാണ് കലാരംഗത്ത് പ്രവേശിക്കുന്നത്. സ്‌കൂള്‍ പഠന കാലത്ത് ചിത്രം വരയ്ക്ക് നിരവധി സമ്മാനങ്ങള്‍ നേടിയിട്ടുണ്ട്. ഹൈസ്‌കൂള്‍ പഠന കാലത്ത് വായനയിലൂടെ എഴുത്തിലേയ്‌ക്കെത്തുകയായിരുന്നു. തുടക്കത്തില്‍ ചെറുകഥയാണ് എഴുതിയത്, അന്ന് മാതൃഭൂമി ബാലപംക്തി കൈകാര്യം ചെയ്തിരുന്ന കുട്ടേട്ടന്റെ(കുഞ്ഞുണ്ണി) കളരിയിലൂടെ എഴുത്ത് വളര്‍ന്നു. ആദ്യത്തെ കഥ-ഒരിക്കല്‍ കൂടി- മാതൃഭൂമി ബാലപംക്തിയില്‍ പ്രസിദ്ധീകരിച്ചു വന്നത് പ്രീ ഡിഗ്രിക്ക് പഠിക്കുമ്പോഴാണ്. എഴുപതുകള്‍ തൊട്ട് മാതൃഭൂമി, ചന്ദ്രിക തുടങ്ങിയ വാരികകളുടെ ബാലപംക്തികളില്‍ തുടങ്ങി വാരാന്തപ്പതിപ്പ്, വാരിക, മാസികകളിലായി നിരവധി കഥകളും ലേഖനങ്ങളും പ്രസിദ്ധീകൃതമായിട്ടുണ്ട്.
സംഗീതത്തോട് ചെറുപ്പത്തിലേ തുടങ്ങിയ ഭ്രമം മുംബൈയിലെത്തിയതോടെ ഹിന്ദുസ്ഥാനി സംഗീതത്തോടായി. ഹിന്ദുസ്ഥാനി-ഗസല്‍ സംഗീത സംബന്ധിയായതും സിനിമാസംബന്ധിയായതുമായ നിരവധി ലേഖനങ്ങള്‍ പത്ര വാരാന്ത്യങ്ങളിലും വാരികകളിലുമായി പ്രസിദ്ധീകരിച്ചു. സമകാലിക പ്രശ്‌നങ്ങളോടും പത്രമാധ്യമങ്ങളിലൂടെ പ്രതികരിക്കാറുണ്ട്. മൂന്ന് ദശകങ്ങളിലായി പ്രസിദ്ധീകരിച്ചു വന്ന ചെറുകഥകളില്‍ നിന്ന് തെരഞ്ഞെടുത്ത കഥകളുടെ ഒരു സമാഹാരം- ദൊഡ്ഡമനെയിലെ വിശേഷങ്ങള്‍, 2009ല്‍ സാഹിത്യ പ്രവര്‍ത്തക സഹകരണ സംഘം-(എന്‍.ബി.എസ്.) പുസ്തകമായി പ്രസിദ്ധീകരിച്ചു.
ഹിന്ദുസ്ഥാനി സംഗീതത്തെയും സംഗീതജ്ഞരെയും പറ്റി എഴുതി വന്ന ലേഖനങ്ങളുടെ സമാഹാരം - സംഗീതം തന്നെ ജീവിതം- ചിന്ത പബ്ലിഷേഴ്‌സ് 2011ല്‍ പുസ്തകമായിറക്കി.
ഹിന്ദി സിനിമയുടെ സുവര്‍ണകാലമെന്നടയാളപ്പെടുത്തുന്ന ആ രണ്ടു ദശകങ്ങളെ (1947-68) പരിചയപ്പെടുത്തുന്ന ഓര്‍മ്മകള്‍ അയവിറക്കുന്ന- സുനെഹരി യാദേം- കോഴിക്കോട് ഇന്‍സൈറ്റ് പബ്ലിക്ക 2012ല്‍ പ്രസിദ്ധീകരിച്ചു.
സമകാലീന വാരാന്ത്യം, വാരിക, മാസികകളിലെഴുതി വന്ന മിനിക്കഥകളുടെ ഒരു സമാഹാരവും ഹിന്ദുസ്ഥാനി സംഗീതത്തെ സംബന്ധിക്കുന്ന പഠനങ്ങളുടെ ഒരു പുസ്തകവും അച്ചടിയിലുണ്ട്. ജനയുഗം, വര്‍ത്തമാനം, തേജസ് തുടങ്ങിയ പത്രങ്ങളുടെ വാരാന്ത്യങ്ങളിലും കാസര്‍കോട് വാര്‍ത്ത ഓണ്‍ലൈന്‍ പോര്‍ട്ടലിലും സംഗീതത്തെ കുറിച്ച് കോളങ്ങള്‍ കൈകാര്യം ചെയ്യുന്നുണ്ട്. കാര്‍ട്ടൂണിസ്റ്റ് കൂടിയാണ്.
കോളേജ് കാലത്ത് എ സോണ്‍ കലോത്സവത്തില്‍ കവിതയ്ക്ക് ഒന്നാം സ്ഥാനം നേടി. തൃക്കരിപ്പൂര്‍ ഫൈന്‍ ആര്‍ട്‌സ് സൊസൈറ്റി, പുഞ്ചിരി ക്ലബ് എന്നീ കഥാ പുരസ്‌കാരങ്ങള്‍ നേടിയിട്ടുണ്ട്.
ഭാര്യ: എന്‍. സക്കീനാബീഗം.
മക്കള്‍: അബ്ദുല്ലാ യാസീന്‍, അസ്ഹറു റഹ്മാന്‍, താരീഖ് അന്‍വര്‍, നജീം രോഷന്‍.
ഇപ്പോള്‍ മീപ്പുഗുരിയില്‍ താമസിക്കുന്നു. ഫോണ്‍. 09037250737, 9895307537
Also Read:
എ.എസ്. മുഹമ്മദ്കുഞ്ഞിയെയും ഉദയശങ്കര റാവുവിനെയും ആദരിക്കും
എന്‍.എ. ഉദയശങ്കര്‍ റാവു
പിതാവ് പ്രശസ്തനായ മാപ്പിളപ്പാട്ട് ഗായകനായിരുന്നു. പരിസരപ്രദേശങ്ങളില്‍ വിവാഹച്ചടങ്ങുകളില്‍ ബദര്‍ പാട്ട് പാടാന്‍ പോകുന്ന ഉപ്പയുടെ കൂടെ പോയി പാട്ട് കേട്ട് വളര്‍ന്ന മുഹമ്മദ്കുഞ്ഞി ചിത്രം വരയിലൂടെയാണ് കലാരംഗത്ത് പ്രവേശിക്കുന്നത്. സ്‌കൂള്‍ പഠന കാലത്ത് ചിത്രം വരയ്ക്ക് നിരവധി സമ്മാനങ്ങള്‍ നേടിയിട്ടുണ്ട്. ഹൈസ്‌കൂള്‍ പഠന കാലത്ത് വായനയിലൂടെ എഴുത്തിലേയ്‌ക്കെത്തുകയായിരുന്നു. തുടക്കത്തില്‍ ചെറുകഥയാണ് എഴുതിയത്, അന്ന് മാതൃഭൂമി ബാലപംക്തി കൈകാര്യം ചെയ്തിരുന്ന കുട്ടേട്ടന്റെ(കുഞ്ഞുണ്ണി) കളരിയിലൂടെ എഴുത്ത് വളര്‍ന്നു. ആദ്യത്തെ കഥ-ഒരിക്കല്‍ കൂടി- മാതൃഭൂമി ബാലപംക്തിയില്‍ പ്രസിദ്ധീകരിച്ചു വന്നത് പ്രീ ഡിഗ്രിക്ക് പഠിക്കുമ്പോഴാണ്. എഴുപതുകള്‍ തൊട്ട് മാതൃഭൂമി, ചന്ദ്രിക തുടങ്ങിയ വാരികകളുടെ ബാലപംക്തികളില്‍ തുടങ്ങി വാരാന്തപ്പതിപ്പ്, വാരിക, മാസികകളിലായി നിരവധി കഥകളും ലേഖനങ്ങളും പ്രസിദ്ധീകൃതമായിട്ടുണ്ട്.
സംഗീതത്തോട് ചെറുപ്പത്തിലേ തുടങ്ങിയ ഭ്രമം മുംബൈയിലെത്തിയതോടെ ഹിന്ദുസ്ഥാനി സംഗീതത്തോടായി. ഹിന്ദുസ്ഥാനി-ഗസല്‍ സംഗീത സംബന്ധിയായതും സിനിമാസംബന്ധിയായതുമായ നിരവധി ലേഖനങ്ങള്‍ പത്ര വാരാന്ത്യങ്ങളിലും വാരികകളിലുമായി പ്രസിദ്ധീകരിച്ചു. സമകാലിക പ്രശ്‌നങ്ങളോടും പത്രമാധ്യമങ്ങളിലൂടെ പ്രതികരിക്കാറുണ്ട്. മൂന്ന് ദശകങ്ങളിലായി പ്രസിദ്ധീകരിച്ചു വന്ന ചെറുകഥകളില്‍ നിന്ന് തെരഞ്ഞെടുത്ത കഥകളുടെ ഒരു സമാഹാരം- ദൊഡ്ഡമനെയിലെ വിശേഷങ്ങള്‍, 2009ല്‍ സാഹിത്യ പ്രവര്‍ത്തക സഹകരണ സംഘം-(എന്‍.ബി.എസ്.) പുസ്തകമായി പ്രസിദ്ധീകരിച്ചു.
ഹിന്ദുസ്ഥാനി സംഗീതത്തെയും സംഗീതജ്ഞരെയും പറ്റി എഴുതി വന്ന ലേഖനങ്ങളുടെ സമാഹാരം - സംഗീതം തന്നെ ജീവിതം- ചിന്ത പബ്ലിഷേഴ്‌സ് 2011ല്‍ പുസ്തകമായിറക്കി.
ഹിന്ദി സിനിമയുടെ സുവര്‍ണകാലമെന്നടയാളപ്പെടുത്തുന്ന ആ രണ്ടു ദശകങ്ങളെ (1947-68) പരിചയപ്പെടുത്തുന്ന ഓര്‍മ്മകള്‍ അയവിറക്കുന്ന- സുനെഹരി യാദേം- കോഴിക്കോട് ഇന്‍സൈറ്റ് പബ്ലിക്ക 2012ല്‍ പ്രസിദ്ധീകരിച്ചു.
സമകാലീന വാരാന്ത്യം, വാരിക, മാസികകളിലെഴുതി വന്ന മിനിക്കഥകളുടെ ഒരു സമാഹാരവും ഹിന്ദുസ്ഥാനി സംഗീതത്തെ സംബന്ധിക്കുന്ന പഠനങ്ങളുടെ ഒരു പുസ്തകവും അച്ചടിയിലുണ്ട്. ജനയുഗം, വര്‍ത്തമാനം, തേജസ് തുടങ്ങിയ പത്രങ്ങളുടെ വാരാന്ത്യങ്ങളിലും കാസര്‍കോട് വാര്‍ത്ത ഓണ്‍ലൈന്‍ പോര്‍ട്ടലിലും സംഗീതത്തെ കുറിച്ച് കോളങ്ങള്‍ കൈകാര്യം ചെയ്യുന്നുണ്ട്. കാര്‍ട്ടൂണിസ്റ്റ് കൂടിയാണ്.
കോളേജ് കാലത്ത് എ സോണ്‍ കലോത്സവത്തില്‍ കവിതയ്ക്ക് ഒന്നാം സ്ഥാനം നേടി. തൃക്കരിപ്പൂര്‍ ഫൈന്‍ ആര്‍ട്‌സ് സൊസൈറ്റി, പുഞ്ചിരി ക്ലബ് എന്നീ കഥാ പുരസ്‌കാരങ്ങള്‍ നേടിയിട്ടുണ്ട്.
ഭാര്യ: എന്‍. സക്കീനാബീഗം.
മക്കള്‍: അബ്ദുല്ലാ യാസീന്‍, അസ്ഹറു റഹ്മാന്‍, താരീഖ് അന്‍വര്‍, നജീം രോഷന്‍.
ഇപ്പോള്‍ മീപ്പുഗുരിയില്‍ താമസിക്കുന്നു. ഫോണ്‍. 09037250737, 9895307537
Also Read:
എ.എസ്. മുഹമ്മദ്കുഞ്ഞിയെയും ഉദയശങ്കര റാവുവിനെയും ആദരിക്കും
എന്‍.എ. ഉദയശങ്കര്‍ റാവു
Keywords: A.S Mohammed Kunhi, Kasaragod, Article, Arts, Kerala, Shribagilu,
Tags
Share this story
